JSMP Introdus Programa Ba PR Horta
Naunil Media (Díli), Judicial System Monitoring Programme (JSMP) Introdus nia programa ba Xefi estadu mak hanesan monitorizasaun ba iha Parlamentu Nasionál, Tribunal no fó assistensia ba vitima.
“Ohin ami ekipa JSMP hasoru malu ho Prezidente Republika, primeiru Kongratula Prezidente no no introduz JSMP nia programa ba Prezidente Foun, Programa ne’ebe durante ami hala’o maka halo monitorizasaun ba PN, Tribunal no fo asistensia ba Vitima,” dehan Vice diretur JSMP Casimíro do Santos ba Jornalista sira hafoin remata enkontru ho Prezidente Repúblika (PR) José Manuel Ramos Horta iha palásiu Prezidensiál Nicolau Lobato Bairru Pite, Segunda (20/06).
Vice diretur JSMP ne’e argumenta katak durante ne’e tribunal halo servisu ho dezafiu ne’ebé ladún tuir espetativa maibé sira ko’alia ho PR oinsá atu apoiu tribunal nune’e bele la’o ba oin.
“Ita boot sira akompaña, Tribunal durante ne’e sira hala’o sira nia serbisu mais ho dezafius ne’ebe ladun tuir ita nia espektativa, maibe ami koalia tiha ona ho Prezidente Republika nafatin fo apoiu para atu lao ba oin,” katak Vice diretur JSMP
Casimíro hatutan durante ne’e Tribunal halo hela esforsu, buka meius oioin para responde ba lukuñas sira ne’e, haree katak, kazu pendente barak maka mosu iha Tribunal Distrital sira ne’e, tribunal halo hela Mobile port distritu sira para hakbesik justisa ba povu, ne’e meius ida para minimiza kazu ne’ebé mak pendente durante ne’e.
Nune’e mós tuir JSMP nia observasaun iha tinan rua ba kotuk hanesan ne’e ninia produtivu aas liu ho tempu uluk ne’ebe lahatene ninia númeru ezatamente.*/Jos
