Fulan Agostu 2022, LFT Hahu Hikas Aktividade
Naunil Media (Díli), Diretor Relasaun Publikas LFTL, Diogo Neto Fraga, informa fulan Agostu tinan 2022 ne’e, Liga Futeból Timorense (LFTL) sei hahú hikas nia-aktividade kompetesaun, iha ne’ebé tuir planu klube sira sei hala’o nia jogu iha Estadium Munisípal Díli, Ermera, Maliana no Baucau.
“Tinan ida ne’e formatu liga muda tuir AFC no FIFA, liga prontu tuir, nune’e kalenderiu jogu mos tenke muda, sei hahu iha fulan Agostu no remata iha fulan Marsu ka Abril tinan oin (2023)”, Diogo Neto, bá jornalista sira iha Estádium Munisípal Díli, Tersa (21/06).
Husu kona-ba preparasaun, Diretór ne’e dehan, LFT hahu ona preparasaun, liu-liu fulan ida antes loke janela transferensia ba jogadores nasional no Internasional.
“Janela transferensia ba jogador sira tenke hala’o iha fulan Jullu tinan ne’e”, afirma Diretór Relasaun Publikas LFT ne’e.
Iha sorin seluk, Prezidente Federasaun Futeból Timor-Leste (FFTL), Francisco Jerónimo, informa FFTL ho orgaun Liga Futebol Timorense sei hasoru malu iha tempu badak hodi koalia preparasaun, divizaun dahuluk no daruak Liga Timorense époka 2022 ne’ebe sei hahu iha fulan Agostu tinan ne’e.
“Prezidente relata, antes ne’e orgaun liga manda ona karta atu hasoru malu, maibe iha momentu ne’ebe okupadu hela maibe iha tempu badak ami sei hasoru malu”, dehan Dirijente FFTL ne’e.
Enkuantu kona-ba orsamentu, Francisco relata tinan ida ne’e Governu liu husi Sekretária Estadu Juventude no Desportu hatun ba U$ 200,000.00 diferente ho tinan kotuk ho U$ 300,000.00. Ana
