MAE Konsulta Públika Reajustamentu PED 2011-2030 iha Lautém

Naunil Media (Lautém), Oitavu Guvernu Kosntituisional (VIII), liu husi Ministru Administrasaun Estatatal hala’o enkontru ba Reajustamentu Planu Estratejiku Dezenvolvimentu (PED) ba tinan 2011-2030.

Tuir Ministru Administrasaun Estatal (MAE sigla portugés) Miguel Pereira de Carvalho hateten, Reajustamentu la signifika halo planu foun, maibe sei konklui ho Planu Reajustadu atu hato’o ba Parlamentu Nasional hodi hetan aprovasaun.

“Governu hakarak halo Reajustamentu Planu Estratejiku ba Dezenvolvimentu, tanba mehi husi planu ne’e sei realiza iha tinan 2011-2030”, dehan Ministru Miguel Pereira de Carvalho, iha Salaun Paroquia Dom Bosco Lospalos, kinta (23/06).

Nia hatutan, Liu husi kontribusaun ideia kona ba problemas ba dezenvolvimentu no salusaun ba problema refere atu Governu bele halo reajustamentu ba PED ho di’ak.

Iha fatin hanesan, Administradór Munisípiu Lautém Domingos Savio hateten, konsultasaun Públika Reajustamentu Planu Estratéjiku Dezenvolvimentu 2011-2030 ne’e importante tebes ba munisipál sira.

“Ha’u husu ba partisipante sira atu kontribui ideia ba Reajustamentu Planu Estratejiku ba Dezenvolvimentu atu ita nia povu bele sente saida mak dezenvolvimentu”, hakotu nia. MJ2/MJ1