Ekipa Integradu Halo Destroisaun Ba Manu Madena Ilegal Iha Fronteira

Fahe Tutan

Naunil Media (Batugade), Ekipa Servisu Integradu Mota-Ain kompostu hosi Servisu Sekreta hosi Umidade Patrullamentu Fronteira (UPF), hamuruk ho Alfandega no Quarentena halo destroisaun hodi sunu manu aman tipu Madena hamutuk 9, ne’ebe sidadaun timor oan sira hatama ilegal iha area Mota-Ain, Suku Batugade, Postu-Administrativu Balibo, Munisípiu Bobonaro.

Tuir Komandante UPF, Superintendente Polisia, Euclides Belo, agradese ba ekipa integradu ne’ebe halao servisu hamutuk hodi halo destroisaun ba manu madena hirak ne’e.

“Ba dahuluk ha’u hakarak agradese ba ekipa servisu integradu ne’ebe akompaña halo detroisaun ba manu futu ilegal sira ne’e no sai mos sasin katak evidensia sira ne’e”, dehan Komandante UPF, Euclides Belo, iha Batugade, Sábadu (25/06).

Nia afirma, ho ofisialmente ita sunu ona nune’e labele sai fali problema ba ita iha futuru, tanba ita hotu iha responsabilidade hanesan ekipa integradu iha ne’e atu asegura la’os de’it ema maibe mós fo atensaun ba protesaun moras seluk hosi animal ne’ebe bele prejudika saude publika”, dehan Euclides Belo, via telefone iha sabadu dader ne’e.

Tanba komunidade sira ne’ebe kontinua halo importasaun ba kualker tipu animal liu hosi dalan ilegal hosi fronteira tenke assume sira nia responsabilidade hodi hatan ba justisa,”katak nia.

“Hanesan ita hotu hatene, Ministeriu Agrikultura no Peskas, iha fulan dezembru tinan kotuk ofisialmente halo ona lansamentu ba manu futu tipu Madena hosi Indonezia atu limite importasaun ilegal, hodi legaliza emprezariu ne’ebe deit bele hatama manu refere,”relata nia.

maibe wainhira komunidade sıra kontinua viola hodi hatama sem justifikasaun maka sei simu nia konsekuensia”,nia subliña.

Komandante UPF, husu ba emprezariu lokal sira atu labele utiliza fali komunidade sira iha area fronteira hodi atinji lukru ne’ebe bot ba sira nia intrese pessoal.

“Governu hala’o papel hanesan orgaun regulador hodi fasilita importasaun maibé PNTL mos ejiji kooperasaun ba kompañia hodi hatama reseitas ba kofre estadu liu hosi dalan formal tuir lei Kuarentena Timor-Leste nian tanba ita lakoli manu sira ne’e nia finalidade ba fali komersial ilegal nian,”hakotu nia. Ana

Leave a Reply

Your email address will not be published.