PNTL Díli Operasaun La’o Ain Tempu Kalan Hodi Antesipa Krime
Naunil Media (Díli), Komandu Polísia Nasional Timor-Leste (PNTL) Munisipiu Díli, halo operasaun la’o ain iha tempu kalan hodi garante seguransa ba komunidade sira iha Kapital Díli, liu-liu ema halo movimentu labele hamosu problema.
Komandante Komandante PNTL Munisípiu Díli, Superintendente Xefi Polísia Henrique da Costa, hateten, operasaun ne’e nia objetivu maka hodi antesipa krime ne’ebe akontese iha Dili laran.
“Ita atribui tarefas ba Komandante Operasaun hodi halo atividade patrulla ho kareta, “check point” no lao ain tama sai Suku, Aldeia no Bairo iha tempu kalan, hodi halo esforsu tomak garante situasaun hakmatek ba komunidade hotu iha sidade Dili, liu-liu ba sira ne’ebe perturba ordem publika”,dehan Henrique, iha nia knar fatin Kaikoli, Sabadu (25/06).
Nia afirma, atu prevene konflitu no responde ba asaun kriminal ka hamosu situasaun negativu PNTL sei responde persuasivu no represivu hodi mantein situasan hakmatek atu labele mosu sitausaun negativu.
“tuir orientasaun Komandante Jeral PNTL nian ita prepara rekursu hodi aplika konseitu seguransa estatis hodi koloka membru sira iha via publiku, enkuantu seguransa dinamis ita halo operasaun movel iha kada Suku liu hosi patrulla lao ain no check point ba dokumentus no asesores viaturas nian”,katak nia.
Enkuantu operasaun ne’e lidera direta hosi Komandante Operasaun Munisipiu Dili, Inspetor Xefi Polisia, Delfim da Silva, no hetan akompanamentu hosi Forsa Rezerva, Tranzitu Dili, no seksaun Investigasaun. Ana
