Tempu Badak, MAE Sei Inaugura UKL 3 Iha Builale
Naunil Midia (Viqueque), Sesta (24/06) ne’e, ekipa tékniku Programa Desenvolvimento Nasional Suku (PNDS) Munisípiu Viqueque, Ekipa Jestaun Suku hala’o enkontru hodi apresenta relatóriu ba autoridade lokal iha suku Builale.
Aprezentasaun relatóriu núdar faze ikus liu kona-ba konstrusaun Uma Kbi’it Laek (UKL) iha Suku Builale, Postu Administrativu Ossu, Munisípiu Viqueque, iha ne’ebé tuir planu tempu badak sei hetan inaugurasaun husi Ministru Administrasaun Estatal, Miguel de Carvalho.
Durante sorumutuk, ekipa PNDS Munisípiu Viqueque ho ekipa Jestaun Suku, sira hato’o relatoriu ba Xefe Suku Builale ho Xefe Aldeia sira. Montante orsamentu mak durante ne’e gastus ba konstrusaun uma tolu (3) hamutuk U$ 21,000.00, iha ne’ebé kada uma konstrui ho U$ 17,000.00.
Observasaun jornalista www.naunil.com , nota katak enkontru refere hetan partisipasaun másima husi komunidade suku Builale, hetan prezensa mos husi Estudante sira estájiariu Universiade Nasional Timor Lorosa’e departemento parteira, fakuldade de Medisina.
Tuir planu uma ba kbi’it laek tolu iha suku Builale sei inaugura iha loron 28 fulan Junho tinan 2022 ne’e. Aba
