MEJD Rekonese Estudante Feto Barak Para Eskola Tanba Isin Rua Sedu
Naunil Media (Díli), Ministru Edukasaun Juventude no Desportu (MEJD), hateten Governu liu husi MEJD rekonese estudante barak para sira nia estudu tanba kaben sedu (isin rua sedu).
“Hatene katak, eskola sira iha papel importante atu prevene no minimza violesnia kontra feto, estudante feto barak mak para eskola sedu tanba isin rua sedu ka kaben sedu”, Ministru Armindo Maia, ba jornalista sira hafoin abertura Semináriu “Zero Violensia Kontra Feto”, iha Hotel Timor, Segunda (27/06).
Konaba kestaun ne’e MEJD sei esforsu hodi reduz, liu-liu violensia hasoru feto no labrik feto sira iha eskola teritóriu Timor laran tomak.
“sei servisu maka’as atu hapara violensia iha eskola atu kria ambiente eskola seguru, amigavel no saudavel ba estudante mane no feto. Bandu mos estudante sira hotu iha tipu violensia hotu, nune’e mos manorin sira ne’ebe mak viola estudante sira nia direitu inklui mos manorin sira ne’ebe uza violensia hasoru estudante sira”, Tenik Governante ne’e.
Ikus, membru Governu konstitusionál da-ualu ne’e, dehan sei kria politika Fila-Fali Ba Eskola (re-entry) bainhira feto sira isin rua sedu no baruk eskola ka sira ne’ebe lakon ba tiha servisu hakarak fila fali mai eskola.*Mj5
