Prezidente CNE Husu Governu Intruduz Sistema Ajuda Defisensia

Fahe Tutan

Naunil Media (Díli), Prezidente Comissão Nasional Eleições (CNE), José Agostinho da Costa Belo husu ba Prezidente Repúblika (PR) hamutuk ho guvernu haree liuliu ba defisensia nune’e oinsá Introduz ona sistema atu ajuda defisiente ho kondisaun ne’ebé di’ak.

Lia hirak ne’e hato’o husi Prezidente CNE ba Jornalista sira hafoin remata enkontru ho Prezidente Repúblika (PR) José Manuel Ramos Horta iha palásiu Prezidensiál Nicolau Lobato Bairru Pite, Segunda (27/06).

“Ne’ebé buat sira hanesan ne’e ita presiza tenke haree i ami mós foka liu ba oinsá Prezidente Repúblika hamutuk ho guvernu haree liuliu ba defisensia sira liuliu defisensia matan ho tan defisensia sira seluk oinsá para ita Introduz ona sistema atu ajuda sira tanba ita hatene katak iha familia ida bele opsaun partidu ne’e bele barak,” dehan Prezidente CNE

Prezidente CNE hatutan ema ne’ebé hanesan defisensia bele mós vota, vota ho konsensia bele mós sira ne’ebé akompañamentu ne’e bele dudu sira ba vota saida mak sira hakarak, entaun hakarak rezolve buat ne’e ho rasional presiza mós tenke prepara kondisoens ne’ebé di’ak.

“Hanesan rekomendasaun no mós pontus-pontus ne’ebé ami entrega ba Prezidente Repúblika para atu bele servicu hamutuk ho ministeriu sira liuliu guvernu atu nune’e para sentru votasaun ne’ebé ita aban bainrua estabelese karik ita sensivel mós kona-ba liuliu ita defisensiente sira ne’e,” katak Prezidente CNE

José Belo esplika labele konsidera sira tanba de’it defisensiente maibé direitu sira nia ne’ebé konsagra ona  presiza haree, pontus sira ne’e importante kuandu Prezidente Repúblika enkontru mós ho Primeiru Ministru ho membru guvernu sira tau matan mós ba prosesu ida ne’e.

Nia dehan partisipasaun sidadaun oinsá para atu bele masimu liu no iha problema ida mós kona-ba baze de dadus, tanba ne’e mak rekomendasaun husi CNE katak presiza ona tenke halo mós limpeza ba baze de dadus ne’ebé kleur demais.

Tanba introdus ona sistema deometriku ne’ebé agora dadauk ne’e kuaze nasaun sira halo para atu evita buat ida deskonfiansa fraude eleitoral no mós sidadaun sira iha ne’ebé de’it sira bele vota.*Jos

Leave a Reply

Your email address will not be published.