Prezidente APC Husu PR-Guvernu Harii Edifisiu Ba Protesaun Civil

Naunil Media (Díli), Prezidente Autoridade Protesaun Civil (APC), Ismael da Costa Babo husu ba Prezidente Repúblika (PR) no guvernu atu harii edifisiu ida nune’e bele implementa Autoridade Protesaun Civil iha Timor-Leste.

“Ha’u hakarak husu ba Nai Prezidente Repúblika, ba Primeiru Ministru no Ministru Interior no mós ba Ministru Justisa atu fó tulun hodi konkretiza objetivu urjenti ida ne’e atu bele harii edifisiu ida ho nune’e ami bele implementa Autoridade Protesaun Civil iha Timor-Leste,” dehan Primeiru Prezidente APC liu husi diskursu bainhira remata simu posse nu’udar Prezidente Protesaun Civil husi Prezidente Repúblika (PR) José Manuel Ramos Horta iha Kaikoli, Kuarta (29/06).

Prezidente Protesaun Civil ne’e mós husu ba governante sira atu observa instalasaun sira ne’ebé agora dadauk Protesaun Civil uza ne’e karik bele Konklui edifisiu no instasoens hirak ne’e antigu no lafunsiona ba buat hirak ne’ebé guvernu hakarak implementa.

“Iha edifisiu ida ne’e ita sei labele implementa sala operasoens nasionál atu bele halo servisu fundamental hodi kordena protesaun Civil no sei lahetan kondisoens hodi estabelese servicu ne’ebé prevee ona iha lei organika,” katak Prezidente Protesaun Civil

Ismael Babo mós hato’o katak importante no urjenti tebes ba guvernu atu fo solusoens kona-ba terenu hodi bele harii edifisiu autoridade protesaun Civil integradu nasionál iha kapitál Dili no mós ba Munisípiu sira seluk hanesan Ainaru, Baucau, Covalima no Lospalos.

“Ha’u husu ba Nai-ulun sira atu pondera no atribui terenu ida iha ita nia cidade Dili atu bele harii ita nia Primeiru edifisiu nasionál ba Autoridade Protesaun Civil iha Timor-Leste ne’ebé VIII Governu konstitusionál aprova ona no aloka ona ita nia fundus infrastrutura hamutuk $ rihun sanulu resin-lima ou millaun lima ba edifisiu integradu nasionál iha kapitál Dili no restu ba edifisiu integradu ba Munisípiu Ainaru, Baucau, Covalima no Lospalos,” tenik Ismael Babo

Nia dehan presiza harii sala operasoens ne’ebé sentraliza mós iha sala de informasaun tomak kona-ba inkorensia husi territóriu nasionál au mezmu tempu operasionaliza duni uma uniku nasionál emerjencia.

Tanba sem edifisiu nasionál Protesaun Civil nian labele implementa Autoridade Protesaun Civil tuir planu ne’ebé estadu no nasaun presiza, edifisiu intedagradu asaun protesaun Civil ne’e mak sai hanesan assuntu ida ne’ebé preokupa liu, no husu ba ema hotu nia kontribuisaun ba esforsu tomak atu bele konkretiza ida ne’e iha tempu badak.

Iha fatin hanesan Prezidente Repúblika (PR) José Manuel Ramos Horta mós husu ba guvernu no Parseiru sira hotu atu halo esforsu ruma nune’e iha tempu badak nia laran autoridade protesaun Civil iha Dili bele iha edifisiu tanba ne’e hanesan orbrigadaun ida.*Jos