Estudante Universitariu nain rua sai Ambasador Turizmu Dahuluk
Naunil Media (Díli), Estudante Gerson (IOB) ho Eliza (UNTL) hanesan manan nain ba Kompetisaun Diskursu Públiku atu sai Ambasador Turizmu ba tinan 2022-2023.
Antes ne’ee estudante neebe tuir kompetisaun diskursu ho tema ” Uniaun iha Diversidade atu promove turizmu relijiozu ba hau nia Timor-Leste” hamutuk nain sanulu (10) hosi Universidade IOB, UNITAL, UNTL, UNDIL, DIT, manan nain rua ba kompetisaun nee mak Gerson Joao Felipe hosi Universidade IOB no Elisa Joana Gusmao hosi Universidade UNTL.
Prezidente Asosiasaun Turizmu Relijiozu (ATR-TL) padre Angelo Salsinha hateten eventu nee importante tebes tanba nee atu halo buat konkretu ida presiza kolabora malu hosi partes relevantes sira.
“Bainhira Joven sira neebe mak iha sira nia sentimentu kunesementu sira iha vizaun no rikusoin neebe mak sira iha, sira sei kontente ho sira nia an sira sei dezenvolve no sira sei hadomi buat neebe mak sira iha, tanba nee Turizmu Relijiozu dehan katak ema ida idak iha nia fatin rasik.”hateten Angelo iha seremonia anunsiu rezultadu ambassador 2022-203 iha Hotel Timor Kuarta 28/06 semana nee
Iha fatin hanesan Manan nain Eliza sente kontente tanba nia la espera katak sei sai ambassador ba Turizmu
“Hau sente kontente tebes tanba hau la espera katak hau mak sai manan nain ba komptisaun ida nee hodi sai ambassador Turizmu nian” hateten ambassador Turizmu Eliza Gusmao
Vensedor nain rua nee sei seevisu hamutuk ho parte Governu durante tinan 2022-2023 hodi promove Turizmu Relijiozu Timor-Leste.
Objetivu prinsipal hosi kompetisaun nee atu enkoraja Estudante sira hodi Promove Turizmu iha Rai Timor-Leste.
Kompetisaun nee organiza hosi hosi USAID Turism for All project, servisu hamutuk ho ATR-TL no hetan apoiu masimu hosi SASCAS, Gabinete Primeiru Ministru no Ministeriu Turizmu no Industria. Mj6
