FEATUREDIkus LiuNewsSeguransa

TLPDP Entrega MACBOOK 6 Ba Ekipa Tékniku MI  Apoiu Infraestrutura PNTL

Fahe Tutan

Naunil Media (Díli), Governu Austrália liu hosi TLPDP (Timor-Leste Police Development Partners), asina nota entrega MacBook Pro 13.3 hamutuk unidade 6 ba ekipa tekniku hosi Universidade da Paz (UNPAZ) hodi apoiu servisu infraestrutura PNTL nian.

Tuir Komandante TLPDP, Darren Booy, hateten ekipamentu hirak ne’ebe hodi apoiu hodi halo sira nia servisu ho diak,doasaun ba Ministeriu Interior hanesan meius seluk ida hodi hametin liu tan kooperasaun servisu, liu-liu bele fasilita diak liu tan.

“Ho ekipa tekniku sira nian servisu hodi suporta fasilita infraestrutura PNTL”, dehan Darren Booy,iha Ministeriu Interior, Vila-Verde, Kinta (30/06).

Iha fatin hanesan, Dekanu Fakuldade Enjenaria UNPAZ, Jose M Maniquin,informa, ekipamentu hirak ne’e bele fasilita diak liutan sira nia servisu.

“Programa ida ohin ne’e ita kumpri akordu ne’ebe asina ona iha semana kotuk entre MI ho UNPAZ hodi suporta infraestrutura PNTL nian.

 Entaun atu realiza programa hirak ne’e ita presija apoiu ekipamentu hodi aselera servisu ne’e,”katak dekanu UNPAZ.

Nia hatutan, envolvimentu ekipa UNPAZ hodi apoiu servisu PNTL nian hamutuk ema nian 11 kompostu hosi dosente nain 3, alumni nain 4, estudante ativu nain 4 ne’ebe mai hosi enjenaria sivil nain 2 ho arquitetura nain 2.

“Laptop 6 ne’ebe simu konfirma ona nia kualidade tuir duni pedidu hosi tekniku sira nian hodi atinje projetu ne’ebe Ministeriu Interior durante ne’e hein hela atu realiza.  

Tanba ne’e hau,lori magnifiku reitor nia naran hakarak agradese ba Vise-Ministru Interior ho parseria TLPDP ne’ebe fo ajuda laptop ba ekipa tekniku sira, nune’e iha tempu badak ita hahu realiza ona tanba ekipamentu iha ona ami nia liman. Ana

Leave a Reply

Your email address will not be published. Required fields are marked *