FEATUREDGeralIkus LiuNews

Komunida Chinesa TL Sei Apoiu Humanitaria Ba Vitima Inundasaun Iha Suai, Lospalos

Fahe Tutan

Naunil Media (Díli), Associação Cemersial Comunidade de Chinesa Timor Oan (ACCCTO), sei apoiu Humanitaria ba komunidade sira iha Suai no Lospalos ne’ebé afeta inundasaun iha loron hira liu ba.

Lia hirak ne’e hato’o husi Prezidente (ACCCTO) Kathleen Gonçalves ba Jornalista sira hafoin remata enkontru ho Prezidente Repúblika (PR) José Manuel Ramos Horta iha palásiu Prezidensiál Nicolau Lobato Bairru Pite, Sexta, (01/07).

“Ami Assosisaun Comersial da Comunidade Chinesa Timor Oan ami emprezariu no membru sira ne’e fila fali ba atu prepara para haree atu apoiu humanitariu para liu husi ita nia Prezidente Repúblika hodi ba too ita nia vitima sira ida ne’e mak ohin ami mai hasoru Prezidente Repúblika,” dehan Prezidente ACCCTO

Kathleen hatutan Prezidente Repúblika Konvida Assosisaun Comersial Comunidade Chinesa Timor Oan no membru emprezariu sira ne’e oinsá atu haree ba assuntu ne’ebé loron hira liu ba udan boot hetan inundasaun iha rai laran liuliu iha area Suai, Lospalos ne’ebé maluk barak mak hetan inundasaun.

Emprezaria ne’e esplika antes atu ba fo humanitaria, sira sei ba identifika, maibé sasán sira ne’ebé atu ba fahe mak hanesan fos, supermi, mina. dadaun ne’e ekipa husi Prezidensiál sei ba identifika depois fo hatene membru empreza sira tanba ne’e urjenti no apoiu sira ne’e sei halo kooperasaun ho palásiu Prezidensiál mak lori ba.

Iha enkontru ne’e Prezidente Repúblika mós husu ba setor privadu sira katak iha futuru bele halo reuniaun regularmente nune’e bele haree dezafiu saida mak setor privadu sira hasoru iha rai laran no mós buka dalan oinsá para bele rezolve problema sira ne’e atu bele hadia sertor privadu nia servisu iha rai laran.*Jos

Leave a Reply

Your email address will not be published. Required fields are marked *