V-MAE Inaugura UKL Tolu Iha Suku Builale Iha Ossu
Naunil media (Viqueque), Tersa (28/06) ne’e, Governu konstitusionál da-aulu liu husi Vise-Ministro Administrasaun Estatal (V-MAE), Lino de Jesus Torrezão, inaugura Uma Kbi’it Laek (UKL) tolu lokaliza iha Suku Builale, Postu Administrativu Ossu.
Xefe suku Builale, António Gomes Moniz, konsidera Programa Nasional Dezenvolvimentu Suku (PNDS) diak tebes, nune’e husu kontinuasaun ba kbi’it laek sira seluk.
“Dezenvolve suku liuliu iha suku Builale, lori sidade mai Builale”, Xefe suku Builale, António Gomes Moniz, liu husi liafuan badak, iha ambitu inagurasaun UKL tolu.
Iha fatin hanesan, Administrador Postu Administrativu Ossu, Sebastian Pereira Pires, apresia Governu konstitusionál da-ualu lideradu Taur Matan Ruak, ho programa ne’ebe diak to’o iha suku.
“Primeiru Ministru, Taur Matan Ruak ho fuan bo’ot bele ajuda ona komunidade. Servisu hamutuk kapás i ohin ita bele hetan ona inagurasaun husi Vise-MAE”, tenik administradór ne’e.
Nia husu ba benefisiarias atu utiliza ho didi’ak, enkuantu tinan oin ho programa ne’ebe hanesan Suku Builale sei hetan tan UKL sia.
Benefisiária UKL, Elisa Monteiro Hornai, sente kontente no agradese ba Governu Timor-Leste tanba bele ajuda ona sira hodi fó mahon digno liu husi programa dezenvolvimentu Nasional Suku.
“Obrigado ba Estadu, ajuda ona uma ida hanesan ne’e ba hau”, dehan Benefisiária ne’e. Aba
