CFP Aktualiza Reforma Pensaun Ba PR Horta
Naunil Media (Díli), Comisaun Funsaun Públika (CFP), aktualiza reforma pensaun ba xefe estadu mezmu too ohin loron funsionáriu idade husi 60 anos ba leten ne’e kuaze rihun tolu resin maibé seidauk iha lei obrigatoriu reforma.
Kestaun ne’e hato’o husi Prezidente Komisaun Funsaun Públika Faustino Cardoso Gomes ba Jornalista sira hafoin remata enkontru ho Prezidente Repúblika (PR) José Manuel Ramos Horta iha palásiu Prezidensiál Nicolau Lobato Bairru Pite, Tersa, (05/07).
“Ohin ami mós aktualiza ba sua excelensia katak buat ida reforma pensaun ne’e seidauk iha lei ne’ebé obriga ema sira ne’ebé mak tama ona idade 60 anos ba leten, atu informa ba imi too ohin loron ema ne’ebé idade husi 60 anos ba leten ne’e iha rihun tolu resin ne’ebé se karik lei obrigatoriu reforma ne’e iha ona no apolika signifika loloos ne’e sira tama ona reforma pensaun, Maibé infelizmente ida ne’e seidauk,” dehan Prezidente CFP
Prezidente komisaun funsaun públika ne’e hatutan mezmu seidauk iha lei maibé sempre servicu hamutuk ho parte guvernu ne’ebé agora avansa hela ho proposta pedidu autorizasaun legal ba iha Parlamentu atu oinsá regula kona-ba pensaun ninian inklui mós definisaun kona-ba idade servicu efetivu 60 anos ka 70 anos ne’e presiza atu define too ohin loron seidauk iha.
Faustino Cardoso mós esplika Kestaun seluk kona-ba professores sira ne’ebé voluntariu no kontratadu depois seidauk sai estatutu permanente, ne’e kabe ba Ministeriu Edukasaun atu haree situasaun ida ne’e lá’os kompetensia komisaun funsaun públika nian.
Tanba papel komisaun nian mak atu oinsá fiskaliza akompaña legalidade prosesu se buat hotu la’o tuir prosesu legal komisaun sempre servicu hamutuk ne’ebé dala ida tan kona-ba professor kontratadu no voluntariu sai estatutu permanente ne’e kompetensia Ministeriu Edukasaun Juventude Desportu nian.*Jos
