Governu Aprova Projetu Dekretu Lei Rua Funsiona Komisaun Nasional Desportu

Naunil Media (Díli), Konsellu Ministrus mós aprova ona projetu Dekretu-Lei rua, ne’ebé aprezenta husi Ministru Edukasaun, Juventude no Desportu, Armindo Maia no Sekretáriu Estadu Juventude no Desportu, Abrão Saldanha.

Tuir Ministro presidensia konsellu ministros,Fidelis Magalhães,hateten,estabelese kompeténsia sira, kompozisaun no funsionamentu husi Komisaun Nasionál Desportu (KND).

“ho Projetu Dekretu-Lei ida-ne’e hodi revoga Dekretu-Lei n. 39/2011,Iha loron 21 fulan-setembru, ne’ebé regula KND no kria estrutura foun no enkuadramentu ba KND nian, nune’e mós delimita ninia kompeténsia sira, kompozisaun no funsionamentu hodi kontinua ho prosesu dezenvolvimentu prátika desportiva iha Timor-Leste,”dehan MPCM,Fidélis Magalhães,hafoin soromutuk,iha palácio governo, Kuarta (06/07).

Nia afirma,halo alterasaun dahuluk ba Dekretu-Lei n. 18/2019, loron 11 fulan-jullu, ne’ebé aprova ona Orgánika Sekretaria Estadu Juventude Desportu.

Tanba nee,Projetu Dekretu-Lei ida-ne’e ho objetivu atu adekua Orgánika ministériu ida-ne’e nian ne’ebé estabelese ona iha Dekretu-Lei n. 30/2020, loron 29 fulan-jullu, kona-ba organizasaun administrasaun direta no indireta Estadu nian.

 Hakarak mós adekua ba prosesu deskonsentrasaun no desentralizasaun ne’ebé la’o hela, hodi promove armonizasaun ida entre responsabilidade no kompeténsia administrativa sira ne’ebé pertense ba servisu sentrál sira husi Sekretaria Estadu Juventude no Desportu.

Prevee ezisténsia diresaun-jerál ida-deit ba juventude no desportu no reestruturasaun no agrupamentu ba unidade no diresaun nasionál balun,”hakotu nia. Ana/mj2