Pedidu PR Ba Indonézia, PN Sei Deside Iha Plenária

Naunil Media (Díli), Sekretaria meza Parlamentu Nasionál deputada Lidia Norberta dos Santos hateten, Relasiona ho Prezidente Repúblika Demokrátika Timor-Leste José Manuel Ramos Horta atu viajen ba Indonézia sei akompania deputadu husi bankada hotu-hotu  iha Parlamentu Nasioná atu hatene informasaun  husi viajen ne’e.

“Parlamentu Nasionál halo plenaria Extraordinaria, hodi hatan ba Karta Pedidu Prezidente Repúblika  hato’o ona ba meza Parlamentu Nasionál,  atu viajen ba estadu Indonézia”, dehan sekretária meza Parlamentu Nasionál  Lidia Norverta dos Santos ba jornalista sira hafoin renuiaun lider bankada sira iha sala komferensia PN, Kuarta (06/07).

Nia afirma, Atividade aban atu halo plenaria extraordiariu ba viajen prezidente Repúblika Demokrátika Timor-Leste José Manuel Ramos Horta,  atu viajen ba vizita estadu Indonézia.

“Nomeia mós  bankada ida-idak hodi bele  hetan delegasaun husi Presidente Repúblika,  hodi bele haree kestaun Viajen ne’e PR ninian”, katak nia.

Maibé Konstituisaun Republika Demokratika Timor Leste (KRDTL), iha artigu 8 fó dalan Ba Prezidente Republika (PR) ne’ebé iha, nia laiha kompetensia ba relasaun internasional, hodi hala’o nia viajen ba rai liur liu-liu Indonézia, dehan nia.

“Husi artigu 8 fó dalan ba Prezidente Republika ne’ebé mak iha kompetensia ba Relasaun Públika, signifika iha fasilidade.

Nia hatutan, Prezidente Republika ne’ebé de’it bainhira hala’o viajen ba rai liur ka diaspora, ne’e la’os viajen por viajen, maibé  presiza tuir komprimisiu estadu nian.

Tanba ho maneira sira ne’ebé mak Parlamentu Nasionál foti, hodi haree no halo analize ba viajen PR ba rai liur ne’e, presiza halo ho di’ak tanba viajen ida ne’ebé importante tebes ba nasaun TL. Dehan nia.

“Maibé presiza halo dialogu viabilidade  ida iha PN kona-bá viajen PR ba rai liur, no dezisaun xefí estadu nian seidauk determina, maibé sei iha hela planu diskusaun PN nian,”hakotu nia. Ana