KHUNTO Lamenta CNRT Hasai Liafuan Bilang Bá MJ Tiago
Naunil Media (Díli), representante uma fukun parlamento nacional lamenta ho liafuan ne’ebe mak deputada bankada CNRT hasai ba Ministro Justisa, Tiago Amaral Sarmento
Tuir Deputada Bankada KHUNTO, Olinda Guterres,hateten,lamenta ho liafuan ne’ebe mak hasai husi bankada CNRT ba Ministru Justisa Tiago Amaral Sarmento
“Ita ko’alia ho liafuan ne’ebe mak ho diak ba malu, nune’e la bele hamosu problema ba malu, ita mai koalia lalika koalia ita nia ministru ne’e bilang la diak.
Tanba ita nia Ministru mai hanesan representante governu nian,”dehan Deputada Bankada KHUNTO,iha sala plenaria extra-ordinariu PN,kinta,(07/07).
KHUNTO husu,atu labele hatudu arogante tenke rekunese frakeza ida-idak nian no buka fo liman ba malu, dame malu, lori Nasaun Timor-Leste ba oin,”Katak nia.
“Ministro Justisa mai iha ne’e hanesan reprezentante husi ita nia governu la’os mai para ita atu ko’alia ho liafuan ne’ebe mak la ho diak ba ita nia Ministru, ita mai laos atu hatun malu, maibe ita mai iha ne’e representa povu nia naran.
Iha fatin hanesan, Deputada Bankada CNRT Cideliza dos Santos,informa, rezolusaun sira ne’ebe mak tratadu importante no nia impaktu ne’e boot tebes ba nasaun laos impaktu ba rai laran.
maibe impaktu mos ba relasaun iha mundu internasionál,”relata nia.
“Ministru mai lori deit rezolusaun mak lubuk ida maibe iha esplikasaun ne’e ministru la iha liu liña ho ita nia governu sira atu retifika buat barak. Bele retifika tanba ne’e impaktu boot tebes ba ita nia nasaun, ita mos tenki halo analiza ne’ebe mak klean, tenki halo kompleta sira nia servisu atu aprova no retifika,maibe ita haree ba resposta husi ita nia Ministru sai hanesan bilang hela,”hakotu nia. Ana
