MNEC Aprezenta Kooperasaun TL ho Nasaun Sira Sudeste Aziatiku Ba Delegasaun ASEAN
Naunil Media (Díli), Kinta (07/07) ne’e, Diresaun Jeral Asuntu ASEAN husi Ministeriu Negosiu Estranjeiru Kooperasaun (MNEC), halo aprezentasaun konaba kooperasaun Internasional ho Nasaun sira-nia sudeste Asiatiku ligadu ho Timor-Leste nia preparasaun adere ba ASEAN.
Diretora Jeral Asuntu ASEAN, Maria Milenia Rangel, hateten aprezentasaun ohin ne’e mos ko’alia kona ba MNE, hanesan Ministerio ne’ebe koordena hela prosesu adesaun, tanba ne’e husu reprezentante altu nivel sira hodi responde ba dezafiu ne’ebe iha.
“Ita-nia servisu to’o iha ne’ebe no husu mos ba representante Alto nivel husi pilar sosio kultural sira ne’ebe ohin partisipa atu nune’e bele kolabora no husu mos ba sira para bele fornese mai ita tempo definitivu ou informa mai ita para oinsa bele responde ba dezafiu ne’ebe ita hasoru.
Aprezentasaun ohin nian ne’e, kobre hotu kedas kooperasaun ne’ebe eziste hela iha Timor-Leste, ho Nasaun sira iha Sudeste Asiatiku, ita mos tenta atu buka tuir hodi hare fila-fali saida mak ita bele halo hamutuk ho apoiu maximu husi Sekretariadu ASEAN nian iha Jakarta”, dehan Diretora ba jornalista sira, iha Salaun MNEC, Praia dos Coqueiros.
Nia hatutan, iha rekomendasaun lubuk ida ne’ebe nia bele lembra no senti importante atu partilla maka sira husu para bele halo alineamentu di’ak liu tan, bele koresponde ho estrutura ne’ebe eziste iha Asia.
“Ita iha prepara mos ita nian, maibe ita la’os membru ne’ebe ladun iha koresponde ho didi’ak, tuir nia ne’e hanesan rekomendasaun ne’ebe di’ak ida no presiza toma nota atu nunee ita bele halo tuir no halo konsultasaun ne’ebe di’ak liu tan para bele servisu hamatuk”. Maria Esplika. Mj4
