Akademista Husu Governu Kria Kondisaun Di’ak Ba Vendedores

Naunil media (Díli), Relasiona ho akontesimentu ne’ebe akontese iha loron Kuarta 06/07, ne’ebé polísia Eskuarda dom Aleixo, halo asaun ne’ebe lá merese ba vendedores sira, tan ne’e akademista Júlio Aparisio, husu ba ba Governu Liu husi Ministéiriu Turismo  Comercio e Indústria (MTCI) no Prezidenti munisípiu Díli atu kria kondisaun ne’ebí dignu ba vendedores sira hodi nunee  labele faan iha dalan públiku.

Tuir akademista husi Universidade Nasional Timor  Lorosa’e (UNTL), husi Faculdade FCS hateten,  Nia lá fó sala ba vendedores no pessoal sira ne’ebé mak halo atuasaun ba atividade vendedores sira, maibé governu mak tenke kria kondisaun ba povu.

” Ba ha’u lá fó sala ba pesoal munisípal no polísia no vendedores sira, maibé tenke iha maneira ida ne’ebé mak di’ak hodi nune’e bele resolve problema la’os ba soe sasan”, dehan akademista UNTL Júlio Aparisio, ba Naunil Media iha Kampus Lama kaikoli, sesta (08/07).

Tuir akademista parte nia haree durante vendedores sira  ne’ebé  hetan problema mak husi dirasaun kampun baru, Audian no Elemloi.

“Vendedores sira hanesan iha kampun baru, Audian, Elemloi, sira sempre hetan problema horsida balun mai foti tiha vendedores sira sasan soe, no lori ba tiha hanesan ne’e sira hetan osan husi ne’ebé da tan tebe baku ne’e ladun di’ak tanba maneria ne’e kategoria krime”,  dehan nia.

Nia mós husu ba governu liu husi Ministério Turismo  Comercio e Indústria (MTCI) no Prezidenti munisipiu Díli hodi kria kondisaun ba vendedores sira .

“Maibe atu solusiona problema ne’e governu tenke kria kondisaun Ministério Turismo  Comercio e Indústria (MTCI) no Prezidenti munisípiu Díli  atu servisu hamutuk hodi kria kondisaun”

Nia mós rekomenda ba governu tenke loke tan merkadu rua iha Díli ralan atu nune’e ema labele ba faan iha dalan públiku sira hodi labele  hamosu engrafamentu no sira bele ba faan iha merkadu. Ivo