FEATUREDIkus LiuNewsPolitika

Horta Indonézia Nasaun Númeru 1 Apoiu TL Tama ASEAN

Fahe Tutan

Naunil Media (Díli), Prezidente Repúblika (PR) José Manuel  Ramos Horta hateten, Indonézia mak nasaun númeru 1 apoiu Timor-Leste atu tama iha Association of Southeast Asian Nations (ASEAN), tanba Indonézia iha relasaun diplomatika di’ak iha nasaun Timoer-Leste.

“Iha buat barak ke ita bele kontinua haklean ho Indonézia relasaun diplomatika formál institusional di’ak loos Indonézia mak apoiante númeru 1 ba ita atu tama iha Asean hahú kedas iha tempu liuliu Solilo Banbang Yudiono (SBY) maibé depois mai Jokowi apoiu ita makaas diplomasia Indonézia nian tane makaas Timor-Leste atu tama Asean”, dehan Xefe Estadu ba jornalista sira iha TVE São Miguel, Sesta (08/07).

Horta hatutan,  Indonézia mós kontenti ho vizita husi Xefe Estadu ne’e, tanba atu aumenta kooperasaun ho nasaun Indonézia no mós haree liu oinsá apoiu tekniíku husi governu Indonézia, hodi haree liu meiu ambiente iha fronteira.

“Indonézia mós kontenti ho ha’u nia vizita buka no liuliu aumenta kooperasaun ho Indonézia, tanba tinan sira nia laran relasaun di’ak kooperasaun oioin, mas ha’u hakarak haree oinsá governu bele apoia tekníku governu Indonézia ba ita hamutuk ho NTT para haree liu kona-bá meiu ambiente hanesan kuda ai halo barazen para kapta udan been”,  tenik Horta.

Tanba entre Timor-Leste ho Indonézia moris iha illa ida de’it iha fronteira Indonézia NTT no RDTL, maibé Meu Ambiente ne’e la respeita fronteira kuandu udan bo’ot bele hahú iha Kupang ne’ebá depois mai iha ne’e sobu iha ne’e no sobu mós iha ne’ebá.

Xefe Estadu esplika, Buat balun mak preparadu husi guvernu MoU kona-ba komérsiu liuliu relasaun komérsiu fronteira, agrikultura membru guvernu balun sei hola parte delegasaun, aleinde enkontru ho Prezidente Jokowi ho Ministru seluk Indonézia nian halo konferensia iha Universidade tolu ka haat.

Maibé iha atividade balun ne’ebé Prezidente Repúblika rasik hakarak aumenta mak kulturál, desportivu, no hakarak haree tinan foun mai ne’e hakarak dada artista sira husi Indonézia mai hanesan artista múzika, artista cinema no intelektual, no mós sei haree artista sira husi Thailandia, Filipina, Singapura, Malasya no mós sira seluk. *Jos

Leave a Reply

Your email address will not be published. Required fields are marked *