FEATUREDGeralIkus LiuNews

AJHJTL Sosializa Asesu Justisa Formál Ba Estudante São Pedro

Fahe Tutan

Naunil Media (Díli), Asosiasaun Joventude Hakbi’it Justisa Timor-Leste (AJHJTL) halo sosializasaun ba estudante sira eskola sao pedro kona-ba oinsá Timor-Leste asesu ba iha justisa formal.  

Prezidente AJHJTL, Jefri Nouili Ricardo, informa sosializasaun refere hanesan programa dahuluk husi AJHJTL hafoin estabelesimentu asosiasaun ne’e iha 2021.

“Ohin konsege halo ami nia sosializasaun kona-ba asesu justisa formál iha Timor-Leste, i ida ne’e hanesan sosializasaun dahuluk ne’ebé mak ami halo ba nível ensinu sekundaria”, Dehan nia ba jornalista hafoin sosializasaun iha eskola São Pedro, Sabadu (9/7).

Prezidente AJHJTL hatutan, ba oin mós AJHJTL sei halo sosializasaun ida ne’e ba iha komunidade mós ba sosiedade sira, inklui mós ba oin sei halo iha Munisípiu.

“Ami nia sosializasaun ida ne’e durante ne’e AJHJTL servisu hamutuk ho organizasaun intergovernamental G7+ ne’ebé sai hanesan ami nia parseiru importante ba iha ami nia aktividades sira hotu”. Nia dehan

Enkuantu Objetivu sosializasaun ida ne’e oinsá mak ami atu sosializa matéria sira kona-ba asesu ba justisa formál iha Timor-Leste ba ita nia estudante sira, para oinsá sira bele hatene atu asesu ba justisa formál.

Iha fatin hanesan estudante eskola sao pedro Delia Santos Neves, katak senti orgullu tebes, bele partisipa iha aktividades ida ne’e tanba liu husi aktividades ne’e bele aumenta ami nia konesementu kona-ba justisa formál nian.

Fundador no membru husi Asosiasaun refere kompostu husi estudante fakuldade direitu mai husi universidade UNTL, UNDIL, UNPAZ. LTS/Gyor

Leave a Reply

Your email address will not be published. Required fields are marked *