Konferensia Nasional PD Ba Da-IV, Assanami : Refleta Ezistensia PD Tinan 21
Naunil Media (Díli), Prezidente Partidu Demokrátiku (PD), Mariano Assanami Sabino Lopes, hateten asuntu importante iha konferensia nasional PD bad ala-IV refere mak reflesaun ba ezistensia partidu halo ona tinan 21 (21).
“Ohin loron importante tebes ba PD, tanba konferensia nasional no refleta ita nia ezistensia 21 anos, luta iha momentu ne’ebe difisil iha momentu ne’ebe ukun rasik an”, Prezidente PD, Mariano Assanami Sabino Lopes, liu husi nia deskursu konferensia mak hala’o iha Salaun Delta Nova, Domingo (10/07).
Tuir Assanami, PD ho prinsipiu ne’ebe tuan, úniku ho vizaun ho prokamasaun heroi sira, durante prosesu luta ba Republika Demokratiku Timor-Leste (RDTL).
“21 anos oinsa ona, ita intera valores nee, oinsa ita sai jerasaun kontinuador la’os sai jerasau foinsa’e, tanba prinsipiu ne’ebe sira rai hela no fundador, proklamador, povu sai testemuña fakar ran ba rai nee”, tenik Prezidente PD, Assanami.
Konferensia Nasional PD ba dala-IV, prezensa mos Prezidente Repúblika (PR), José Manuel Ramos Horta, hateten partidu husi jerasaun foun, partidu ida que iha ona esperensia 20 anos, esperensia legislativu, esperensia governasaun, esperensia diplomatiku.
“Kontribui maka’as tinan 20 iha laran, desde primeiru legislatura iha asemblea konstituante”, dehan Xefe Estadu RDTL, Horta.
PR Horta hatete, apoia maka’as ba PD que úniku reprezenta duni jerasaun Santa Cruz (1991), e hanesan Presidente Repúblika buka apoiu partidu ne’ebé mak kaer husi jerasaun foun.
“Ha’u buka apoiu partidu sira ne’ebe jerasaun foun mak kaer i tenke hatama feto barak liu tan iha partidu nia laran”. hakotu nia. Ana
