Mericío Husu Estudante Uza Media Social Ho Matenek
Naunil Media (Díli), Sekretáriu Estadu no Komunikasaun Sosial, Merício Juvinal dos Reis ‘Akara’, informa objetivu husi hala’o kampania ba eskola atu dezamina informasaun kona-ba oinsa utiliza internet ho saudavel.
“Objetivu husi programa ida ne’e atu nune’e ita hotu bele kontribui hodi kombate hoax (Lia Falsu) no situs negativu sira iha ita nia rai nee.
Tanba nee, Governu preokupa kona-ba Ita nia Kondisaun atual,”dehan SECOMS,iha eskola ESTV Bekora, Segunda (11/07).
Nia afirma, iha era dijital agora Ema hotu livre hodi uza, maibe informasaun barak mak tama mai katak ema Utiliza media sosial ho negativu mak barak.
“ho Edukasaun sivika ba sidadaun Timor importante, Liu-liu ba jovem no estudante sira.
tanba nee,tuir peskiza ne’ebe mak SECOMS iha katak maioria jovem mak uza media sosial,li-liu plataforma sira hanesan Facebook, Instagram, WhatsApp, Tiktok no seluk tan.
SECOMS sei la bandu sira hodi uza plataforma oioin,”katak nia.
maibe SECOMS husu ba jovem no estudante sira tenke uza ho matenek,”Mericio relata.
Nia hatutan, Bele Salva sidadaun hotu husi dezinformasaun, tanba ida ne’e perigu, Liu husi sobu Ema Nia konfiansa ba malu, sidadaun la hakmatek.
Entaun ida ne’e, la di’ak ba iha unidade nasional no harmonia ba iha iha sosiedade.
Nia dehan, Governu preokupa tebes tanba maioria populasaun mak Kria informasaun falsa no Utiliza media sosial ho negativu, viola Direitu prinsipal sira nian.
“Viola direitu prinsipal mak hanesan, iha direitu ba informasaun los no kredivel, ida ne’e mak direitu fundamental sidadaun nian.
Nia akresenta, Wainhira Ema hahu utiliza media sosial hodi fo Informasaun la los, ida ne’e violasaun grave ba direitu prinsipal.
Tanba ne’e, SECOMS sei Realiza Programa ida ne’e ba iha eskola hotu, atu nune’e jovem no Estudante Sira bele utiliza media sosial ho lolos.
“ Ate Agora SECOMS detekta ona ema hamutuk 120 resin mak uza ID falsu.
SECOMS kontinua iha Responsabilidade hodi kontinua uza ba pozitivu no iha negativu edukasaun sivika tenke kontinua.
maibe Ema la kumpre edukasaun sivika entaun governu hahu ona hanoin, atu nune’e Kria lei kona-ba Informasaun no transasaun elektronika iha nasaun ida ne’e, inklui Lei Espesial ba kombate hoax,”nia sublina.
Iha Prossesu ida ne’e, governu Hanoin katak , Edukasaun sivika mak tenke dahuluk, ho ida ne’e Estuddante no jovem sira tenke Partissipa iha Edukasaun sivika,”hakotu nia. Ana
