MOKATIL Relata Problema Edefisiu ba PR Horta

Fahe Tutan

Naunil Media (Díli),  Movimentu Kamponezes Timor-Leste (MOKATIL)  relata problema Edefisiu ne’ebé sira hasoru ba iha Prezidente Repúblika (PR) José Ramos Horta.

Bainhira remata hasoru malu  Prezidente MOKATIL Helio Dias da Silva ba jornalista iha palásiu Prezidensiál Nicolau Lobato Bairo Pite, Segunda (11/07/2022) hateten, Ohin mai hasoru xefe estadu hodi relata problema edifisiu nia bá iha xefe Estadu.

“Agora dadaun ami mós iha problema uituan, ami mós mai informa ba nai Prezidente Repúblika kona-ba edifisiu ne’ebé mak uluk iha tempu ukun aan ita dezenvolve liu Kabe Knua Buka Hatene ne’ebé mak ohin loron ne’e hetan notifikadaun ne’ebé mak ami sente katak ladún justu. Tanba notifikadaun ne’e ami konsidera hanesan halo presaun tanba ita hotu hatene Knua Buka Hatene ne’e fo formasaun ba ita nia Juventude sira”, dehan PR MOKATIL.

Prezidente MOKATIL dehan, Sentru ne’e gratuita no halibur no simu ema nia inan aman sira povu liuliu kbiit laek sira kuaze barak mak tuir kursu iha ne’ebá hanesan Ingles, Portugés, no komputador mas ohin loron hetan presaun husi guvernu rasik. Tanba notifikasaun ne’ebé mak ba uza polísia, uza veteranu, no uza pesoal balun ne’ebé mak forsa iha poder polítiku.

Kona-bá edifisiu ne’e Prezidente Repúblika José Manuel Ramos Horta dehan  sei esforsu aan ko’alia ho instituisaun estadu liuliu parte relevante sira hanesan ministeriu justisa para tau atensaun ba ida ne’e.  Tanba kontribuisaun Edefisiu refere   desde husi 1999 mai too agora. No agora dadaun iha NGO barak mak iha ne’ebá inklui mós MOKATIL fatin ne’e mak sai konsentradaun ba toos nain sira. * Jos

Leave a Reply

Your email address will not be published.