Delegasaun UE Audensia Ho CNE Asuntu Eleisaun Parlamentar 2023

Naunil Media (Díli), Delegasau husi Misaun Observasaun Elitoral União Europeia audensia ho Prezidente komisaun Nasionál Elisoens (CNE sigla portugês) ko’alia Kona-bá Observasaun Elitoral iha 2022, Observasaun Elisaun Parlamentar no Elisaun Suku tinan 2023.

Tuir Prezidente Komisaun Nasional Elisoens(CNE sigla portugês) José Agostinho Da Costa Belo informa,  Enkontru ida ne’e hanesan observa no fó rekomendasaun ba orgaun elitorais.

“Sira iha rekomendasoes ba ita nia orgaun elitores hanesan Parlementu Nasionál no governu atu hadia di’ak liu tan iha elisaun lijislatura tuir mai, no ita mós introdus ho sitema votasaun braillas atu ne’e difisiente matan sira bele tuir votasaun”, dehan Prezidente CNE  José Agostinho Da Costa Belo  iha CNE,  tersa (12/09).

Nia hatutan, Enkontru ne’e  ko’alia mós kona-bá sentu votasaun paralelu, no sentru votasaun ezterior no sistema sira ne’ebé iha ligasun ho elitorais.

“Husi parete CNE halo ona reuniaun ho prezidente Repúblika atu loke tan sentru votasaun iha fatin seluk, la’os de’it iha Inglatera, Portugal, maibé iha  posibilidade sei iha tan fatin seluk, ne’ebé mak Timor-oan sira konsenta ba, ita mós komesa introdus sistema diometriku atu bele evita rejistu dupla”,  Tenik prezidente CNE.

Rekomendasaun sira ne’e importante tebes, sei garantia ba elisaun periodu sei lao ho di’ak, nia hakotu. Rit/Gyor