Patrocino Husu Governo Aselera Prosesu Esplorasaun Kampu Greater Sunrise
Naunil Media (Díli), Vise Xefe Bankada Partidu Kongresu Nasional Rekonstrusaun Timor (CNRT-Sigla Portugés), Deputado Patrocino Fernandes dos Reis, hatete mesmo Timor-Leste sai ona na’in ho asõens maioria ba Kampu Greater Sunrise.
Maibé laiha esforsu husi Governu atu aselera prosesu esplorasaun ba Kampu Greater Sunrise nune’e bele fó rendimentu hodi aumenta kapitál Fundu Petrolíferu nian,”dehan patrocino Fernandes,liu husi deklrasaun,iha sala plenaria extraordinaria PN, Kinta (14/07).
Tanba nee,Kampu Greater Sunrise hanesan Kampu Komprovadu ne’ebé hein de’it desizaun Governu nian atu halo esplorasaun.
maibé to’o ohin loron, públiku la hare iha siñal katak sei iha esplorasaun iha kampu refere”,katak nia.
“Iha Programa VIII Governu nian, (la’ós Governu Viabilizadu), iha seksaun IV ne’ebé ko’alia kona-ba Dezenvolvimentu Ekonomia, tuir loloos Governu harii ona Baze Lojístika iha Suai, Dezenvolve Refinaria Petrolífera no Dezenvolve Fabrika Gas Natural Liquefeito/LNG, atu nune’e bele atinje kalendáriu dezenvolvimentu Kampu Greater Sunrise nian ne’ebé termina ona katak to’o iha 2026, katak hahú fó ona reseita ba Fundu Petrolíferu,”nia sublinha.
Partidu FRETILÍN, ne’ebé sai motor ba kriasaun Governu Viabilizadu, hafoin halo tiha Asaltu ba Podér iha 2020, to’o ohin loron ninia kuadru maka kaer hela asuntu Petróleu nian. Maibé la hatudu vontade polítika atu dezenvolve Kampu Greater Sunrise,”hakotu nia. Ana
