ALFELA Rejistu Kazu Violasaun Domestika 5.596
Naunil Media (Díli), Asistensia legal ba feto no labarik (ALFELA), rezista kazu violensia domestika hamutuk 5.596 kliente.
Reprezentante Dirétora ALFELA, Olinda Cardoso, informa iha tinan 2012 fulan Dezembru ALFELA sai organizasaun independente, entaun iha inisiu estabelese iha tinan 2006 to’o agora ALFELA rezistu ona no fo asistensia legal ba feto no labarik Kazu hamutuk 5.596, no kazu husi númeru Ida ne’e ate fulan junnu kotuk ne’ebé rezistu ona iha alfela nia sistema baze de dadus, ne’ebé ami fo asistensia legal.
“Husi 5.596 ne’ebé ami fo asistensia iha 51% taka ona, signifika katak hetan ona desizaun husi tribunal, no 3% ami lakon kontaktu kliente, entaun ami tenki taka, i depois iha 4% mak kliente lakoi kontinua atu prosesu sira nia kazu iha sistema justisa formál”, Olinda Cardoso hato’o lia hirak ne’e ba jrnalista sira iha salaun Delta Nova hafoin partisipa Aniversariu FOKUPERS ba dala 25, Sesta (15/7).
Diretora ALFELA hatutan, agora kazu ne’ebé mak ativu ami iha kazu hamutuk ne’ebé sei porpoin ou percija akompana nafatin husi ALFELA, PRADET, FOKUPERS no JSMP maka kazu hamutuk 2.563
Enkuantu Husi kazu ida ne’e maioria husi kazu Violensia domestika, entaun kazu Violensia domestika sei ativu iha ALFELA mak kazu hamutuk 1.329 Ne’e la’ós Violensia fiziku de’it, la’ós Violensia maustratu konzuze de’it, maibé ida ne’e enkaisa mós kazu violasaun sexual, abuzu sexual, kazu kuasaun sexual no agora dadauk ita luta ba insestu ne’ebé aman viola rasik nia oan. LTS
