MSSI Apoiu Fundus Ba FOKUPERS, Tau Matan Vítima Iha Uma Mahon
Naunil Media (Díli), Diretor Jerál (DJ) husi Ministériu Solidariedade Sosial no Inkluzaun (MSSI), Florenco Gonzaga, informa MSSI apoiu orsamentu millaun 2 ital ba FOKUPERS atu tau matan ba vitima sira ne’ebé mak iha uma mahon.
“Ha’u la espesifika ba uma mahon ninian, maibé ba uma mahon 9 ne’ebé ita hahú aloka orsamentu husi tinan 2018 mai to’o agora ho totál orsamentu kuaze hamutuk millaun rua ital”, DJ-MSSI, Florenco Gonzaga, ba jornalista sira hafoin partisipa Aniversariu FOKUPERS nian ba dala 25 iha Delta Nova, Sesta (15/7).
DJ-MSSI hatutan, apoiu orsamentu hirak ne’e tanba MSSI hanesan instrusaun kontinua parseria di’ak ho FOKUPERS tanba FOKUPERS nu’udar entidade ida iha Timor-Leste hanesan mós sira seluk ne’ebé esforsu bele tau matan ba vitima sira liu husi uma mahon.
Ida ne’e nu’udar tipu utilidade sosial ida ne’ebé MSSI rekoñese no MSSI lezitima ona ou aprova ona sira nia utilidade sosial, i FOKUPERS kontinua nafatin ba oin atu tau matan ba vitima sira atraves iha uma mahon. LTS
