FEATUREDGeralIkus LiuNews

Komapañia TFI Australia Sei Rekruta Timor oan, Minutu 1 Tenke Ko’a Na’an Karau 5

Fahe Tutan

Naunil Media (Díli), Segunda (19/07) ne’e, Embaixadora Timor-Leste ba Australia, Ines de Almeida, lori kompania Thomas Foods International (TFI) hala’o enkontru ho Sekretáriu Estadu Formasaun Professional no Emprego (SEFOPE), Alarico Dos Reis, atu rekruta Timor oan ba servisu iha Australia kona-ba Ko’a Na’an.

Jestor Kompania Thomas Foods International, Shane Wittman, hateten sei rekruta Timor oan atu ba servisu iha Adelaide Australia foku liu ba Ko’a Na’an.

“Ami sei rekruta uluk Timor oan nain-15 atu servisu iha ami-nia kompania”, Jestor Thomas Foods International, Shane, ba jornalista sira iha Kaikoli.

Nia informa sei rekruta uluk Timoroan nain-15 ba servisu iha ne’eba (Adelaide-Australia) hafoin observa ba di’ak mak sei rekruta tan.

“Maske servisu ne’e todan maibe salariu di’ak, servisu refere kada minutu ida tenki ko’a na’an karau lima (5) no iha loron ida nia laran ko’a naan kararau hamutuk rihun lima (5.000), dehan Shane

Thomas Foods hanesan kompania Internasional ida neebe harii iha tinan 1988 ne’ebe servisu foku liu ba ko’a naan no to’o ohin loron sira esporta na’an ba nasaun hamutuk 80 ona.

Iha fatin hanesan, Embaixadora Ines Almeida, hateten karik Timor oan ba neeba servisu di’ak sei loke dalan ba maluk Timoroan sira seluk atu ba servisu iha ne’eba.

“Thomas Foods sira mai iha nee sei rekruta timor oan sira atu ba servisu, maibe ida nee fila-fali Timor oan sira atu sevisu badinas no servisu iha neeba sei aprende tan buat seluk hanesan komputer no tekniku”, informa nia.

Iha parte seluk Sekretariu Estadu Formasaun Profesional no Empregu, Alarico Dos Reis sente kontente ho sorumutu ida ne’e tanba bele loke tan dalan kampu servisu ba Timoroan sira.

“Maske Timoroan sira seidauk iha treinamentu kona-ba ko’a na’an maibe Kompania promete sei hanorin sira”, hakotu nia. Mj6

Leave a Reply

Your email address will not be published. Required fields are marked *