SEPFOPE Despede Traballador Timor oan 79 Ba Austrália
Naunil Media (Díli), Tersa (20/07) ne’e, Governu liu-husi Diresaun Nasionál Empregu Exterior-SEFOPE realiza seremonia despedida ba traballador Timor oan hamutuk 79 atu ba servisu iha Austrália no asina deklarasaun ho família traballador.
Diretór Diresaun Nasionál Empregu Exterior (DNEE), Filomeno Soares, relata dadus ne’ebé dadauk prepara hamutuk traballador 79, kompostu feto 19 no mane 60.
Enkuantu traballador hirak ne’e aranka ba Austrália sei fahe ba grupu rua, grupu ida aranka iha loron 22 fulan Jullu no grupu ida aranka iha loron 25 fulan Jullu tinan 2022 ne’e.
“Hamutuk iha fatin ida ne’e atu halo aseitasaun, signifika katak ita prontu ona atu husik ita bot nia oan, katuas oan no ferik oan ba servisu iha Austrália atu bele hetan osan hodi hadi’ak ita boot sira nia moris”, Diretur ne’e iha nia diskursu hafoin asina deklarasaun ho família traballador iha Timor Plaza Suai Room.
Nia hateten, objetivu Governu kria programa ne’e di’ak Timor oan.
Iha sorin seluk hanesan Embaixadora Timor-Leste ba Austrália, Ines Almeida, hato’o parabens ba traballador Timor oan sira mak atu aranka ba servisu iha Austrália.
Diplomata ne’e husu traballador, molok hakat ba ema nia rai tenki respeitu nain ba rai iha Austrália no tenki disiplina iha servisu fatin. LTS
