DesportuFEATUREDIkus LiuNews

Atleta Na’in 15 Sei Partisipa Sea Para Games Iha Solo-Indonézia

Fahe Tutan

Naunil Media (Díli),  Kinta (21/07) ne’e, iha Palasiu Governu, Primeiru Ministru (PM), Taur Matan Ruak, Sekretáriu Estadu Juventude no Desportu (SEJD), Abrão Saldanha ‘Noksiku’, despede atleta Timor oan na’in 15, inklui treinadór/a no official na’in 25 atu partisipa Sea Para Games 2022 iha Solo-Indonézia.

Iha seremonia ne’e, SEJD, Nokosiku, hateten Governu kontinua sei esforsu nune’e kontizentes ba tuir kompetesaun hodi lori naran Timor-Leste ba mundu.

Governante ne’e enkoraja atleta sira husi federasaun hotu avansa ho kompetisaun atu buka medalha.

“Ami asumi no simu dezafius, Governu, federasaun no atletas mak tenki konsiente no prontu ona atu kompete ba buka medalha no buka manan la’os ona tempu atu ba partisipa deit”, tenik Nokosiku.

Xefe orgaun ezekutivu, Taur Matan Ruak, enkoraja no deseju atletas atu partisipa kompetisaun refere ho di’ak.

“Deseju, boa sorte hodi bele mai konta fali iha Timor no forsa nafatin ba imi hotu”, dehan eis-gerileiru FALINTIL, Matan Ruak.

Atleta Teofilo Freitas Belo, komprometidu sei lori medalha husi eventu Sea Para Games mai TL.  

“Nu’udar atleta nafatin boa vontade foti dignidade Nasaun maske dejafius iha federasaun oioin”, dehan atleta atletismu ne’e.  

Kontijente atleta Paralimpiku TL aranka iha Kinta loraik, 21 Julho tinan 2022 ne’e. ABA

Leave a Reply

Your email address will not be published. Required fields are marked *