SEJD : TL Orgullu Partisipa Eventu Desportivas Iha Tailandia–India
Naunil Media (Díli), Atleta kontinjente 2 kompostu husi Federasaun Desportu Akademika Timor-Leste (FESDATIL) sei dezloka ba Thailandia hodi kompete iha Asean University Games no atleta kontijente ida husi Modalidade Xadrez Timor-Leste sei dezloka ba India hodi tuir kompetisaun olimpiade Xadrez mundial.
Sekretariu Estado Juventude Desporto (SEJD), Abrão Saldanha ‘Nokosiku’, hateten partisipasaun iha eventu rua ne’e núdar orgulho id aba Timor-Leste maske Nasaun ki’ik ho limitasoens oi-oin.
“Ita nafatin lori kontijente sira hodi ba partisipa eventu Internasional sira”, Abrão Saldanha, ba jornalista sira hafoin halo despedida ho atleta sira iha Edifisiu SEJD, Dili, Kinta (21/07).
Governu ne’e mos husu, ba kontijente sira atu kompete ho di’ak hodi reprezenta hot-hotu nia orgullu, mesmu ki’ik ki’ak no foin ukun aan, maibe hakarak kompete ho Nausaun sira ne’ebe mak ukun aan kleur no desenvolvidu.
Iha fatin hanesan, Xefe Demisaun ba Kontijente 2 ne’e, Zeferino Viegas Tilman, informa, lori atleta sira ba kompete iha Asean University Games ne’e, kompete ne’e atu hetan prestasaun liu-liu medalha.
“Fiar katak atleta ida rua tolu bele lori prestasaun mai Timor-Leste, ida konaba Xadrez nian ita espera katak sira manan bebeik sira mos hetan prestiju seluk ruma ne’ebe mak tuir regra federasaun Xadrez nia”, relata nia.
Enkuantu Federasaun Desportu Akademika Timor Leste, sei lori atleta modalidade 4 hodi ba kompete iha Asean University Games mak hanesan,Voley Paria, Taekwondo, Atletismu inklui Xadrez.
Nune’e mos, atleta nain 9 husi modalidade Xadrez Timor-Leste sei ba kompete iha Olimpiade xadrez mundial iha India. Ana
