PR Horta: Indonézia Apoiu TL Tama ASEAN
Naunil Média (Díli), Prezidente Repúblika (PR) José Ramos Horta hateten, Indonézia apoiu Makaas Timor-Leste (TL) atu tama iha Association of Southeast Asian Nations (ASEAN), durante mandatu bele tama maibé ne’e desizaun Xefe Estadu no Xefe Governu sira nian.
Kestaun ne’e hato’o husi Xefe Estadu ba jornalista sira iha sala konferensia imprensa VIP Airoportu Internasionál Nicolau Lobato, hafoin ho ekipa remata vizita iha Indonézia, Segunda (25/07).
“Ikus liu ke ha’u ko’alia iha Jakarta ba mós vizita sede ASEAN ho Prezidente Jokowidodo ko’alia kona-ba adezaun ASEAN, klaru Indonézia apoia makaas nafatin para ita tama, i ha’u rasik ho governu sei haree vizita rai balun ASEAN nian para haree ke ita bele tama durante mandatu Indonézia nian, hahú kedas ho mandatu Kambodia nian, prosesu hahú ke dinamiku para to’o mandatu Indonézia nian buat ne’e bele akontese mas ne’e desizaun Xefe Estadu no Xefe Guvernu sira nian,” dehan. Xefe Estadu
Xefe Horta hatutan, Misaun ASEAN mai iha ne’e ne’ebé lideransa hotu-hotu ne’ebé iha tinan sira nia laran ne’e hakas aan, la’ós hakas aan atu tama kedas iha ASEAN objetivu iha vida ne’e lá’os atu tama iha ASEAN.
“Ita nia objetivu vizaun hadia povu nia moris moderniza nune’e mós hola parte adezaun ba ASEAN purtantu, ita lahalo infrastrutura, lahalo hadia povu nia moris tanba ita halo ne’e tenke tama ASEAN lae, ita halo ne’e duni, i ne’e koresponde ba kriterius balun ke atu tama ASEAN mas ne’e autoridade governante ASEAN mak sei hatene loos tempu, ha’u nia hanoin hateten sai tiha ona no dala hira tihs ona i sei kontinua servicu ba ida”, tenik Horta.
PR esplika iha buat balun inovasaun foun hanesan Fibra Optika, Kabu sub marinu, inagurasaun Portu Tibar iha fulan Novembru ne’e, reabilitasaun Airoportu Baucau buat sira ne’e hotu hanesan hatudu mós Timor nia preparasaun adezaun ba ASEAN. *Jos
