AgrikulturaFEATUREDIkus LiuNews

MAP Pedro : Fundu Kafé Hanoin Ne’ebé Di’ak Lahalimar

Fahe Tutan

Naunil Media (Dili), Ministru Agrikultura no Peskas (MAP) Pedro Reis hateten Fundu kafé hanoin ne’ebé di’ak lahalimar tanba agrikultor sira bele sai nain ba kafé maibé depois produz kafé nain sei kiak nafatin.

Kestaun ne’e hato’o husi Ministru Agrikultura no Peskas ba Jornalista sira hafoin remata enkontru ho Prezidente Repúblika (PR) José Ramos Horta iha palásiu Prezidensiál Nicolau Lobato Bairru Pite, Sexta, (29/07).

“Fundu kafé ne’e hanoin ne’ebé di’ak lahalimar, tanba ita nia kafé ne’e ita bele sai kafé nain mas depois ita produz kafé nain sira sei kiak nafatin, entaun baralla husi merkadu internasional entaun ideia ne’ebé mai husi nai Prezidente ho nai Primeiru Ministru atu halo fundu kafé atu nune’e kafé folin iha merkadu molok nia monu estadu tenke sosa hotu armagenamentu depois haree folin di’ak mak ita fo sai,” dehan MAP

Membru guvernu ne’e hatutan aktividade ba reabilitasaun kafé liga ba orsamentu ratifikativu ne’ebé ministeriu propoin no aumezmu tempu hanoin ne’ebé Prezidente Repúblika nian kona-ba fundu de kafé, entaun hanesan ministeriu tekniku presiza halo koordenasaun di’ak, tanba atu implementa ne’e ideia mai husi Xefe Estadu mas atu implementa ne’e ministeriu tekniku mak implementa.

Pedro Reis hateten infelizmente ministeriu nia programa kona-ba reabilitasaun kafé la’o hela maibé nia montante la boot, tanba ema hotu hatene tanba orsamentu ministeriu la boot, ministeriu Agrikultura no Peskas iha diresaun jerál haat (4) inklui diresaun jerál floresta kafé no plantas, ninia ekipa tekniku halo inspensaun ho númeru ne’ebé mak kiik tuir orsamentu ne’ebé mak iha.

“Ita iha esperansa boot katak orsamentu ratifikativu pelumenus bele tulun ministeriu ba nia aktividade tomak, hahu husi Primeiru guvernu too agora la’o so ke nia númeru la bele boot tanba ita kafé totál iha Timor laran iha 59. 921 Mil hektares entaun ministeriu ho orsamentu ne’ebé mak limita ita so halo pemangkasan ba kafé iha 2.000 Mil hektares de’it,”katak Pedro Reis

Tanba ministeriu Agrikultura no Peskas laservicu mesak, maibé servicu ho parseiru dezenvolvimentu setor privadu sira seluk hanesan CCT no sira rasik halo rezubedisaun kafé besik 8.000 Mil resin ida ne’e mak ajusta hamutuk 59.000 Mil ne’e iha 20.000 Mil hektares ne’ebé produsaun di’ak.

Nune’e Ministeriu Agrikultura no Peskas ho Prezidente Repúblika atu halo koordenasaun servicu ne’ebé mak entre ligadu ho aktividade ministeriu Agrikultura no liuliu ba aktividade ne’ebé mak foin lalais semana rua liu ba halo iha Railaku no planu kontinuasaun ba futuru ne’ebé mak iha dia 4 iha Aileu, Ainaru no mós planu aktividade seluk tekniku ne’ebé ajusta hamutuk ho hanoin ne’ebé Prezidente Repúblika nian ba futuru.*Jos

Leave a Reply

Your email address will not be published. Required fields are marked *