FEATUREDIkus LiuNewsPolitika

Ministra Adaljiza Partisipa Forum Rejional ASEAN Ba Dala-29

Fahe Tutan

Naunil Media (Díli), Ministra Negósius Estranjeirus no Kooperasaun, Adaljiza Albertina Xavier Reis Magno, hanesan bainaka espesiál sei partisipa iha sorumutuk Ministrus Negósius Estranjeirus ASEAN ba dala-55, no iha tempu hanesan partisipa mós Forum Rejionál ASEAN ba dala-29.

Tuir Komunikadu Imprensa ne’ebé www.naunil.com asesu (29 Julho) katak Sorumutuk Ministrus Negósius Estranjeirus ASEAN ba dala-55 no Forum Rejionál ASEAN ba dala-29 refere sei hala’o iha Otél Sokha Phnom Penh, Reinu Kamboja, iha ne’ebé sei hahú husi loron 31 Jullu to’o 06 Agostu 2022.

Objetivu prinsipál husi sorumutuk refere atu promove dialógu konstrutivu no konsulta hodi fo kontribuisaun signifikativa ba esforsu sira atu hametin liu-tán paz no seguransa ba interese komún, mutúa iha rejíaun Azía-Pasífiku.

lha okaziaun refere, Xefe Diplomasia timoroan ne’e, sei hato’o intervensaun no aprezenta Timor-Leste nia pozisaun ba asuntu polítika no seguransa iha rejíaun Azía-Pasífiku.

lha biban hanesan, Ministra Magno sei hasoru malu mós ho ninia omólogu husi nasaun balun no halo enkontru bilaterál ho Países Membru ASEAN no nasaun seluk sira ne’ebé partisipa iha Forum Rejionál ASEAN refere.

Entretanto Ministra Negósius Estranjeirus no Kooperasaun nia viajén sei akompaña hosi Delegasaun ASEAN-MNEK, Diretora-Jerál ba Asuntu ASEAN, Milena Rangel, Diretora ba Asuntu Polítika Seguransa, Elisa da Silva, no Diretór ba Asuntu Ekonomiku Aleixo Gusmão.

Delegasaun sei aranka husi Dili, loron 29 Fulan jullu tinan 2022 no sei fila hikas mai Dili iha loron 08 Fulan Agostu tinan 2022. Ana

Leave a Reply

Your email address will not be published. Required fields are marked *