Banda The Kraken Dezafia Jovens Iha Talentu Labele Toba De’it

Fahe Tutan

Naunil Media (Díli), Banda Muzika The Kraken Realiza Konsertu no Feira iha Delta III, Aldeia Fomentu Suku Comoro, Postu-Administrativo Dom-Alexo ho Tema KOMUFE (Convivencia-Muzika-Feira) hodi komemora mos Loron International Friendship Day monu iha Dia 30 Julho.

Prezidente Komisaun, Natalino Fernandes Ximenes, esplika objetivu husi konsertu no feira ne’e hanesa fó espasu ba joven sira atu promove talentu ba musika no kreatividade komunidade sira.

”Eventu ida ne’e The Kraken halo animasa no feira hodi bele promove produtu lokal sira iha Bairo laran, hodi komemora mos loron International Friendship Day ohin 30 Julho”, Prezidente Komisaun, Natalino Fernandes Ximenes, ba jornalista sira iha Kampu Futsal Delta III, Sábadu (30/07).

Nia dehan, kontinuasaun eventu ne’e sei la’o to’o Suku, Bairo sira seluk iha kada Fim de Semana, sei dispunivel to’o munisípius.

“The Kraken nakloke ba empreza púbiku, privadu no Ministeriu relevante sira iha interese atu apoia ba programa ne’e”, tenik Natalino.

Abitante, Santi Pires, kontente ba eventu refere no parabens ba The Kraken, tanba bele halo animasaun ba sira no loke Feria.

Fundus ba Eventu refere mai husi Banda rasik total $300, hetan apoiu ekipamentu husi individu balun mak hanesan Jasinto Rigoberto, Amandio Lemorai no Bevidas husi Empreza East Timor Trading. Gyor

Leave a Reply

Your email address will not be published.