Deputadu FRETILIN Kestiona Vizita PR Horta Bá NTT

Fahe Tutan

Naunil Media (Díli), Prezidente Komisaun A Parlamentu Nasionál (PN) trata asuntu konstituisionais no Justisa, Deputadu Joaquim dos Santos, hatete relasiona ho vizita Prezidente Republika (PR), José Ramos Horta ba NTT (Nusa Tenggara Timur) ne’e hatudu figura ladi’ak ba Timor-Leste (TL).

“Husu ba Governu, materia nee importante no sensetivu ba iha estadu TL presija deskute, no fo hatene ba iha PM kuandu iha enkontru semanal karik koalia ho PR atu kurije atetude sira hanesan ne’e kuandu tama iha protokolu estadu”, Deputadu FRETILIN, Joaquim, liu husi Plenaria iha PN, Tersa (02/08).

Nia hatutan, “Hau hatene kuandu koalia vizita de estadu ne’e, entre Prezidente ho Prezidente maka bele rejolve asuntu sira neebe relasiona ho sidadaun sira iha estadu parte”.

“derepente PR mosu fali iha NTT, ba hanesan individu ka ba hanesan PR entermos protokolu” tenik deputadu ne’e.

Nia dehan, tuir lolos entre estadu Prezidente ho Prezidente, asuntu saida deit koalia iha nivel PR, la’os PR TL ba to’o fali iha aldeia ida no sai hanesan PR ne’e halo moe de’it.

“Husu ba Sekretariu Estadu atu haree asuntu ida ne’e, se bele ita revoga lai lei protokolu subtansia balun ba iha lei protokolu estadu nian ne’e tenke hadian”. hakotu nia. Ana

Leave a Reply

Your email address will not be published.