Gasta Millaun U$71 Ba UKL 4.000

Fahe Tutan

Naunil Media (Díli), Ministru Administrasaun Estatal (MAE), Miguel Pereira de Carvalho, hateten programa Uma Kbiit Laek (UKL) ba tinan ida ne’e ninia benefisiariu sira hamutuk 4.000 identifikadu.“Husi

sekretariadu tékniku Programa Nasionál Dezenvolvimentu Suku (PNDS) mos hatoo ona proposta mai, transferénsia orsamentu ba iha suku sira nune’e konstrusaun hahu”, Ministru Miguel ba jornalista sira iha Palásiu Governu, Kuarta (03/08).

Nia afirma, entaun agora dadaun ne’e akontese iha munisipiu sira prosesu sira prerpara halo konstrusaun nee, konklui hotu ona i agora sira halo ona konstrusaun.

“Tuir planu kalendáriu bá konstrusaun UKL sei halo iha fulan 3-4 nia laran uma sira nee konklui konstrusaun”, katak nia.

Governante ne’e dehan, optimista tinan ne’e, konstrusaun UKL 4.000 sei remata.

“Governu konstrui UKL hamutuk 4.000 ba benefisiariu iha territoriu Timor-Leste ho orsamentu hamutuk millaun U$71”, relata nia.

Nia dehan, husi suku 424, kada suku balun hetan uma sia (9) no balun hetan uma 10 to’o uma 12, uma ho medida hanesan, uma ba familia kiik sira hanesan ba kuartu rua (2) no família boot sira kuartu tolu (3)”. hakotu nia. Ana

Leave a Reply

Your email address will not be published.