Akara Konsidera HOAX Lansa Husi Ema Iresponsabilidade

Fahe Tutan

Naunil Media (Díli), Sekretáriu Estadu ba Komunikasaun Sosial (SEKOMS), Merício Juvinal dos Reis “AKARA”, hateten HOAX (lia falsu) ne’e lansa husi iresponsabilidade iha média sosial , tanba ne’e husu sidadaun hotu-hotu atu utiliza internet saúdavel, hodi hetan benefisiu ba an rasik no ba púnliku.

Membru VIII Governu konstitusional Merício Juvinal dos Reis “AKARA”, fo hanoin ba sidadaun jovens no estudante sira, liu husi programa kampaña nasional Kombate Hoax no Promove Internet Saúdavel, iha Salaun IAN MARTIN, INFORDEPE, Kinta (04/08).

Tuir AKARA, iha pontus tolu importante mak sidadaun hotu-hotu presija kombate, mak hanesan :

  1. Desinformasaun, katak Ema ne’ebe mk lansa ka promove informasaun, ema ne’e ho konsiensia ka matenek ho objektivu atu eksplora bebeik Ema nia obskurantismu atu hetan ninia benefisiu liga ba asuntu politiku ekonomia no seluk-seluk tan.
  2. Mis informasaun katak grupu ida ne’e lahó konsiensia, ita bele dehan inosenti oituan tanba nia la identifika informasaun nee antes nia like no share.
  3. Mal informasaun katak Ema/grupu ne’ebe mak promove ka lansa informasaun ne’e gabungan entre inosenti oituan maibe mos matenek ho objektivu atu halo moe Ema.

Governante ne’e, esplika oinsa kombate HOAX (Lia Falsu) ?

“Tenki matenek hodi identifika informasaun antes ita like no share. Liu husi Identifika fontes informasaun, konteudu informasaun, benefisiu informasaun ba hau, ba hau nia família, ba hau nia Sosiedade no mos ba Nasaun”.

Depois mak ita bele like no share, enkuantu informasaun ne’e fontes la klaru, ninia kontiudu nemos la fó benefisiu ba ita nia sosiedade no mos ita nia nasaun la presiza ita like no share”, tenik Merício. Aba

Leave a Reply

Your email address will not be published.