MAE Prevé 100 Mill Ba Aktividade Komemorasaun Konsulta Popular

Fahe Tutan

Naunil Media (Díli), Sesta (05/8) ne’e Ministériu Administrasaun Estatal (MAE) lansa atividade desportiva no Marsa Saudável núdar preparasaun molok ba selebrasaun aniversáriu Konsulta Popular ba dala-23 ho tema “Ho Espiritu loron konsulta popular 30 Agustu 1999 Mai Ita Hametin Paz no Estabiidade Ba Dezenvolvimentu Iha Ita Nia Timor-Leste”.

Ministru Administrasaun Estatal núdar Prezidente Komisaun Organizasaun ba Loron Konsulta Popular, Minguel Perreira de Carvalo, hateten lansamentu atividade molok komemorasaun loron konsulta popular ba dala-23 ne’ebe maka selebra iha iha loron 30 fulan Agostu tinan 2022.

“Serimonia lansamentu ida nee hakarak atu prepara ita molok komemorasaun loron Konsulta Popular, nune’e ita bele hanoin no refleta kona-ba saida ita nia Governu halo tiha ona no saida maka seidauk halo no hein atu realiza iha tempu hirak tuir mai”, Ministru Miguel, ba jornalista sira hafoin lansamentu aktividade iha Stadium Munisípal Díli.

Nia afirma, eventu ofisial loke hahu iha Munisípiu Díli, maibe sei hala’o lansamentu atividade ba iha munisípiu sira hotu iha Timor laran tomak, ho orsamentu ne’ebe mak Governu MAE prevé ba aniversariu Konsulta Popular ho montante porvolta 100 Mill hodi realiza ba atividade ida ne’e.

Atividade ne’e sei hahu husi loron 5 – 30 fulan Agostu 2022, enkuantu desportu komunitáriu hala’o iha suku hot-hotu, kompostu futebol, voleiboll , iha suku no postu administrativu, hafoin mak sei kompete iha munisípal.

Observasaun Jornalista www.naunil.com, jogador ne’ebe partisipa iha lansamentu atividade mai husi Postu administrativu Lima, Postu administrativu Dom Aleixo, Vera Cruz, Nain Feto, Cristu Rei no Metinaru no tranven husi Eskola São Paulo VI. Ana

Leave a Reply

Your email address will not be published.