PR Horta: Antes 2023 TL Sai Membru ASEAN Iha Desimu Primeiru
Naunil Media (Díli), Prezidente Repúblika (PR) José Ramos Horta hateten informasaun pozitivu ne’ebé iha reuniaun Ministerial iha Kambodia no liafuan husi Ministeriu Negósiu Estranjeiru Kambodia rasik hateten 2023 Timor-Leste TL tama membru ASEAN ba dala-11.
“Ita prepara aan dadaun informasaun ne’ebé pozitivu hateten mai husi reuniaun Ministerial iha Kambodia, liu husi liafuan ne’ebé Ministeriu Negósiu Estranjeiru Kambodia rasik hateten pode ser que iha 2023 ou antes tan Timor-Leste tama nu’udar desimu primeiru membru ASEAN”, dehan Xefe Estadu ba Jornalista sira iha palásiu Prezidensiál Nicolau Lobato Bairru Pite, Segunda (08/08).
PR hatutan importante ba Timor-Leste tanba TL hola parte iha Organizasaun rejionál, iha mundu ne’e iha rai hotu-hotu paraleinde Organizasaun boboot hanesan Nasoens Unidas ke Timor-Leste halo parte membru kedas desde Setembru 2002.
Xefe Estadu hateten iha rai hotu-hotu iha organizasaun rejionál Amérika Latina nian iha hanesan Organizasaun Estadus Amerikanus, Áfrika nian iha União Africana, Europa nian União Europeu, Ázia mak laiha Organizasaun ida bolu União Aziatika ka Organizasaun estadu Aziatiku laiha.
Horta esplika iha Ázia mak Organizasaun sub-rejional ida mak ASEAN ne’e importante teb-tebes ne’e duni Timor-Leste halo parte ASEAN signifikadu integrasaun diplomatika, ekonómika iha Organizasaun rejionál ida sub-rejional importante teb-tebes ho 700 miloens habitantes ekonómia 4 triliun de dolarrres liu tan.
Nia dehan desde uluk kedas primeiru mandatu nu’udar Prezidente Repúblika, 2011 mak halo aplication momentu ne’ebá Prezidensiá Indonézia, simboliku tebe-tebes se Timor-Leste tama wainhira Indonézia mak dala ida tan kaer Prezidensiá ASEAN. *Jos
