MAE Ho UNDP Realiza Seminariu Ba Lei Poder Lokál

Naunil Media (Díli), Ministeiriu Administrasaun Estatal (MAE) servisu hamutuk ho United National Development Programme (UNDP) hodi realiza Serminariu Nasional kona-ba lei sira maka mai husi lei poder lokál ka desentralizasaun Administrativa no Lei Eleisaun munisípal ne’ebé maka Parlamentu Nasional (PN) aprova ona iha tinan kotuk.

Tuir Ministru Administrasaun Estatal MAE Minguel Perreira de Carvalo hateten, Ohin  realiza seminariu desminasaun nasionál kona-bá lei rua ne’e, Ministeiru elabora iha tinan kotuk, infelismente Ministeiru supmete ona ba iha Parlamentu Nasionál hodi diskute no konsege aprova ona.

“Governu estabelese poder lokal sentralizasaun ne’e Ministeiru Administrasaun Estatal servisu hamutuk ho UNDP no hetan apoiu finanseiru husi Uniaun Europeia iha Timor-Leste”, dehan Ministru Administrasaun Estatal (MAE) Minguel Perreira de Carvalo iha Hotel Timor, Tersa (09/08).

Governante ne’e haktuir, Iha tinan 2021 lei ne’e promulga husi Prezidete Repúblika Fracisco Guteres “Lu-olo”, durante tinan tolu MAE hetan apoiu finanseiru husi Uniaun Europeia hodi dezenvolve kuadrus legais sira, ne’ebé relasionadu ho poder lokál no mós programa kapasitasaun ba funsionariu sira iha munisipiu, no  apoiu Ministeiru hodi elabora ba jestaun finansas públiku iha munisípiu sira hotu.

“Ohin Ministeiru Administrasaun Estatal no UNDP konvida Administradór Munisípiu sira partisita iha semináriu Diseminasaun Nasionál Lei Poder Lokal, atu nune’e funsionariu sira bele rona direita apresentasaun konteudu husi lei rua ne’ebé MAE sei implementa iha tinan 2023-2024, maibé depende ba desizaun politika”, Tenik nia.

Nia dehan, Lei kuadrus legais de sentralizasaun Administrativa ne’e, sai hanesan base legal atau nune’e kualker governu deside estabelese autoridade lokál, no realiza eleisaun lei preparadu ona atu bele utiliza hodi hili prezidente autoridade munisípiu , no xefí suku sira  ne’ebé MAE sei implementa.

Nia esplika, Liu tan VIII Governu konstitusional konsege estabelese base legal, hodi supmete lei kuadrus legais de sentralizasaun Administrativa no lei eleisaun munisípal ba Parlamentu Nasionál no hetan aprovasaun ba lei kuadrus legais sentralizasaun Administrativa, no mós  lei eleisaun munisípal.

Ko’alia kona-bá desentralisaun das kompetensia ne’ebé bá rekursu humanu iha munisípiu maka bele zere rasik, nia hakotu. Ana