FEATUREDIkus LiuNewsPolitika

PR Horta: ASEAN Sai Modelu Parseiru Boot Iha Mundu

Fahe Tutan

Naunil Media (Díli), Prezidente Repúblika (PR) José Ramos Horta hateten, Association of Southeast Asian Nations (ASEAN), apezar problema oi-oin iha dezenvolvimentu, maibé ASEAN sai modelu no Parseiru boot iha mundu, tanba rai 10 ASEAN manan influénsia prestiju boot.

“Apezar nafatin iha problema oi-oin, problema dezenvolvimentu, ASEAN sai Parseiru boot, modelu boot iha mundu hotu-hotu hanesan Estadus Unidus, Índia, China, Rúsia ho Uniaun Europeia, Canada, Japaun, Koreia, Austrália sira hotu-hotu sai Parseiru dialogu ASEAN nian, ne’e hatudu rai sanulu ASEAN manán influénsia prestiju boot”, dehan Xefe Estadu ba Jornalista sira iha Embaixada Thailandia, Farol, Segunda, (15/08).

PR hateten,  Ohin marka prezenja humutuk ho Prezidente Parlamentu Nasionál (PPN) ho Ministra Negósiu Estranjeiru Kooperasaun (MNEK), hamutuk ho embaixador ASEAN iha fatin embaixada Thailandia nian, tanba uluk fundasaun ne’e hahu halo kriasaun iha Bangkok ho rai sanulu. No espera iha tempu badak agora tinan ida ne’e ka tinan foun mai Timor-Leste bele sai membru sanulu resin ida (11).

Xefe Estadu esplika,  Kondisoens Timor-Leste kumpri ona tinan lubuk ida nia laran la’ós 100% nunka bele 100% maibé kondisoens ne’ebé TL kumpri, iha dezenvolvimentu ekonómiku, infrastrutura, rekursu umanus, Timor-Leste nia esperiénsia internasionál, organizasaun internasionál barak hanesan Nasoens Unidas, G7+ Timor-Leste lidera iha mós parte balun internasionál.

Purtantu Timor-Leste hatudu ona nia esperiénsia ho rai sira ASEAN iha tinan rua-nulu (20) apoia Timor-Leste, ida-idak apoia konforme nia kondisaun nia bele no ohin simboliku tebe-tebes 55 anos ASEAN, dehan Avô Ramos

Horta mós kongratula ASEAN iha momentu ne’ebé difisil tebe-tebes iha reziaun guerra fria, problema oi-oin sira ASEAN nu’udar organizasaun konsege sai respeitadu iha mundu, no ekonómia ASEAN, sira nian mós boot tebe-tebes sira nia ekonómia hamutuk 4 trilions dollares. *Jos

Leave a Reply

Your email address will not be published. Required fields are marked *