SEKOMS Fasilita Orador, Fahe Informasaun Dezenvolvimentu Media Dijital Iha TL
Naunil Media (Díli), Sekretáriu Estadu Komunikasaun Sosial (SEKOMS sigla portugés), Merício Juvinal dos Reis “AKARA” informa, SEKOMS organiza atu fasilita orador sira, matenek na’in sira, no inklui governante sira atu fahe informasaun kona-bá dezenvolvimentu media dijital iha Timor-Leste.
“Ita hotu hatene, era ida agora ne’e era dijital, no agora media konvensional sira atu transforma an ona media dijital”, dehan SEKOMS Merício Juvinal dos Reis ba jornalista hafoin realiza semináriu nasionál iha Suai Room Timor Plaza, segunda (15/8)
Akara hatutan, Governu hanoin ona katak, ita tenki diskute beibeik kona-ba meius komunikasaun foun ne’e, tanba iha mundu agora media dijital ne’e oferese buat hotu hanesan pozitivu no negativu.
“Governu hanoin katak, kultura foun ne’e oportunidade di’ak atu ita nia sidadaun hotu-hotu bele utiliza, maibé ita hanoin para utiliza pozitivu ho matenek no ho edukativu”, Dehan AKARA
Tanba ne’e mak semináriu sira hanesan ne’e bele halibur ideas, bele diskute opsaun saida mak ita tenki utiliza ba oin, i konteudu saida mak ita hakarak apoia, para halo barak liu iha notisia ou iha media dijital sira, nia haktuir.
Enkuantu AKARA mós husu ba média konvensional sira katak, kuandu media konvensional sira la adapta an orasida le nain sira la ba ona sira, no ema mak nonton ne’e la ba ona sira, tanba ida ne’e mak tenki atualiza an, no dezenvolve an liu hosi radio steemen ou live streemen.
Governu sempre apoiu media hotu-hotu, maibé inisiativu atu dezenvolve an no ajusta an ne’e mai hosi media ida-idak, hakotu nia. LTS
