KM Aprova Alterasaun Dahuluk Dekretu Lei organika MOP
Naunil Media (Díli), Ministru prezidensia Konsellu Ministru (MPKM) Fidelis Manuel Leite Magalhaes informa, Konsellu Ministrus aprova projeitu Dekretu-Lei ba alterasaun daruak nú. 8/2019, loron 24 fulan Abril, ho redasaun ne’ebé mai husi ninia alterasaun dahuluk, ne’ebé aprova ona liu husi Dekretu Lei nú.50/2022, 14 fulan Outubru, kona-bá Orgánika Ministeiriu Obras Públikas (MOP) nian.
“Konsellu Ministrus aprova mós projeitu Dekretu-Lei, ne’ebé aprezenta husi Ministru Obras Públikas, Abel Pires da Silva, kona-bá alterasaun daruak Dekretu-Lei nú. 8/2019, loron 24 fulan Abril, ho redasaun ne’ebé mai husi ninia alterasaun dahuluk, ne’ebé aprova ona liuhusi Dekretu –Lei nu. 50/2022, 14 fulan Outubru, kona-bá Orgánika Ministériu Obras Públikas nian”, dehan Ministru PCM Fidelis Magalhaes ba jornalista sira hafoin reuniaun KM iha Palásiu Governu, kuarta (17/08).
Governante n ne’e hateten, Ho konsiderasaun ba tomada pose titulár foun ida Ministeiriu Obras Públikas nian, objetivu mak atu halo alterasaun sira ne’ebé presiza hodi organiza fila fali servisu balun ne’ebé inklui iha Ministériu, atu fó efisiénsia bo’ot liután iha ezekusaun ba ninia atribuisaun sira.
Ho nune’e, halo divizaun ba Diresaun Jerál Administrasaun no Finansas ba diresaun rua ho vokasaun ne’ebé lahanesan. Ida haree liu ba ezekusaun orsamentál ne’ebé inklui Diresaun Nasionál Aprovizionamentu no Orsamentu no Finansas, iha ne’ebé inklui mós Unidade Planeamentu Estratéjiku, ne’ebé ba oin sei sai hanesan diresaun nasionál, dehan Fidelix
“Seluk haree liu ba kestaun administrasaun jerál rekursu sira iha Ministériu, iha ne’ebé inklui Diresaun Nasionál Administrasaun no Jestaun Patrimóniu no Rekursu Umanu, aumenta mós Diresaun Nasionál Teknolojia Informasaun nian, ne’ebé hakarak atu fó suporte apoiu ba dijitalizasaun serbisu iha Ministériu”, Katak nia.
Nia dehan, Hasai mós Diresaun Jerál sira ne’ebé hakotu tiha ona ho nomeasaun ba órgaun diretivu empreza públika, Bee Timor-Leste, E.P. no Eletrisidade de Timor-Leste, E.P.
“Diresaun Nasionál Estrada, Ponte no Kontrolu ba Inundasaun fahe mós ba diresaun nasionál rua, ida haree liu ba estrada no ida seluk haree ba prevensaun no kontrolu ba bee-sa’e hodi nune’e, Ministeiriu bele iha entidade ida ho kompeténsia espesífika hodi hamenus risku inundasaun ne’ebé akontese hela ba beibeik, tanba alterasaun klimátika sira”, nia hakotu. LTS
