Embaixadór Indonézia Iha TL Hasoru PPN, Ko’alia Relasaun Bilateral
Naunil Media (Díli), Embaixadór Indonézia iha Timor-Leste, Octo Dorinus informa, Ohin mai hasoru ezelência Prezidente Parlamentu Nasionál hodi ko’alia asuntus importante iha área bilateral entre Timor-Leste ho Indonézia.
“Nudar embaixadór Indonézia iha Timor-Leste mai hasoru ho Prezidente Parlamentu nasionál Aniceto Longuihos Guterres Lopes, asuntu kona-bá relasaun bilateral, no planu importante balun ne’ebé mak hakarak haklean, nune’e bele hametin liu tan relasaun Timor-Leste ho Indonesia”, Dehan Embaisadór Indonézia iha Timor-Leste Octo Dorinus ba jornalista sira iha resintu Parlamentu Nasionál, kinta (18/08).
Nia hatutan, Preparasaun Prezidente Parlamentu Nasionál atu ba indonézia iha loron 19, sei fila iha loron 26 fulan Agustu 2022, simu prezidente organizadu ona, hein simu iha loron aban.
objetivu ba jakarata atu koalia liu relasaun bilateral, no mos atu halo tuir no obta rejolusaun ne´ebe mak parlamentu TL aprova ona kona-ba Fraternidade humana.
Prezidente Parlamentu Nasional (PPN), Aniceto Longuihos Guterres Lopes ba indonesia sei simu direita hosi Prezidente Parlamentu Indonesia, Puan Maharani Nakshatra Kusyala Devi, objetivu kona-bá relasaun Bilateral entre nasaun rua.
Nia hatutan,Timor-Leste aprova rezolusaun ba fraternidade humana, hosi parlamentu nasionál ne´e sai ezemplu di’ak ba nasaun indonézia atu halo tuir.
“Maske iha Indonézia populasaun maioria musulmanu, maibé rezolusaun fraternidade humana ne’e importante, tanba dokumentu mai hosi Amu Papa no immam bo’ot musulmanu nian”, nia relata.
Nia dehan, Orguillu tanba iha loron 18 fulan juillu 2022, Prezidente Repúblika José Ramos Horta ba Hasoru Prezidente Republik Indonesia Joko widodo, ko’alia asuntu importante atu hametin relasaun bilateral entre nasaun rua nian .Ana
