Foin Sae Milenial sai Transformadór ba Sosiadade
Naunil Media (Díli), Konsellu Estudante Universitariu Postu Administrativu Lekidoe (KEUPAL), Realiza semenáriu ho nia tema foin sae milenial mak ajensia sai transformadór iha sosiedade.
Koordenador KEUPAL Esmerildo da Silva Fatima hateten, semenariu ida ne’e hodi eleva foin sae sira nia konesimentu iha sosiedade.
“Seminariu ida ne’e ami halo hanesan atu amenta tan ami nia konesmentu ba área oi-oin hanesan mós buka ida no ami bele hetan tan esperensia husi orador sira”, Dehan koordenadór KEUPAL Esmerildo da Silva Fatima ba jornalista sira iha Xanana Reading Room, kinta(18/08).
Nia Hatutan, Objetivu konvida Avellino Coelho atu partilha nia esperensia, oinsa modelu ba futuru sai joven ida ne’ebé mak intelektual hodi transforma ba sosiedade.
Estudante sira ne’ebé hala’o estudu iha Díli laran ho semináriu ida ne’e, mebru KEUPAL no esudante iha universitariu sira ohin hamutuk iha fatin ne’e, dehan nia.
Iha sorin seluk oradór Avellino Coelho hateten, Joven mak milenial no konesimentu ba siénsia sira, ne’ebé eskola iha universdade iha Timor Laran, tenke iha visaun no asaun ne’ebé di’ak ba konstrusaun estadu no sosiadade.
“Laiha visaun ho asaun halo sabraut, ohin halo ida aban halo fali ida, joven milenial nia hatene mak saida, buka intende saida mak imi hetan iha universitariu sira, ho aplika iha sosiadade ne’e naran ne’ebé imi foti atribui nu’udar predikadu no adjetivu hanesan joven ida ho milenial”, tenik Coelho.
Avelino dehan, Sai Joventude la ativu iha prosesu konstrusaun estadu, no Joventude la book a’an la preokupa buat ida, futuru nasaun nia atu sai los oinsa, no nia dezafia joventude sira atu trasforma an sai joventude ida kualidade ho milenial.
Organizasaun konsellu Esudante Universitariu Postu Administrativu Lekidoe (KEUPAL), hari iha loron 20 fulan Maio tinan 2016, ho objetivu atu trasforma joventude milenial iha sosiedade sira. Gyor
