PNTL Na’in Rua Kanek, Hetan Tuda Hosi Joven Na’in-Rua Ho Bomba-Molotov
Naunil Media (Díli), Komandante Komandu PNTL Munisípiu Díli, Superintendente Xefi Polísia, Henrique da Costa informa, orkala mebru (PNTL) Polísia Nasionál Timor-Leste na’in rua hetan kanek, tanba joven na’in rua uza Bomba Molotov hodi tuda.
“Suspeitu sae motor mak tuda bomba molotov ba sira wainhira sira hala’o hela seguransa iha Timor Lodge ba serimonia graduasaun PSHT nian. Kazu ne’e mosu tanba membru PNTL hapara sira latau helm ne’e mak deskute malu ida tun tebe ajente polísia ida, depois ajente seluk halai ba ajuda ne’e mak sira soe marotok tan sira na’in 2”, dehan Komandante Komandu PNTL Munisipiu Dili, Superintendente Xefi Polisia, Henrique da Costa.
Nia hatutan, Membru na’in 2 ne’e ho naran ajente Leonito C. Goncalves, no Ajente prinsipal Nicolão dos Santos, hosi eskuadra Dom-Aleixo hetan kanek iha ulun no ain rezulta suku pontu lima.
Nai hteten kazu ne’e akontese horikalan wainhira halo hela seguransa iha área Comoro.
Nia afirma, Suspeitu ida konsege halai, maibé ida seluk konsege asegura no PNTL, prende mós motor ne’ebé mak sira uza hodi halo asaun.
Hosi akontesementu ne’e polísia asegura ona suspeitu ida ho naran inisial RBH, tinan 24, hela iha Aldeia Niken, Suku Bairo Pite, Postu Dom Aleixo, inklui motor ne’ebé uza hodi halo asaun brutal hasoru polísia ne’e no buka tuir suspeitu seluk ne’ebé hakanek membru polísia na’in 2, nia dehan.
Oras ne’e daudaun membru PNTL na’in 2 ne’e halo tratamentu saúde iha Klinika Kampung Baru, enkuantu suspeitu RBH detein durante 72h hodi kompleta prosesu, nia hakotu. Ana
