UDT Lamenta Governu Loke BG Iha Selebrasaun Loron Falintil
Naunil Media (Díli), Relasiona ho komemorasaun aniversáriu loron Forsa Armada Libertasau Nasionál Timor-Lesre (FALINTIL) ba dala 47, Deputadu Bankada Uniaun Demokrátika Timorense (UDT) Francisco David Xavier Carlos, lamenta Governu loke Jogu bola gulin, iha loron nasionál ne’e.
“Tirste tebes haree ba nasaun foun foin halo tinan 20, governu loke fali Bola gulin iha loron komemorasaun FALINTIL nian, ida ne’e la’ós edukativu ba jerasaun konutinuadór sira”, dehan Deputadu Francisco David Xavier Carlos iha resintu uma fukun PN segunda, (22/08/).
Reprezenta povu ne’e Hatutan, Ida ne’e laiha edukasaun di’ak ba jerasaun foun sira, tuir loos governu loke sertame para loke koñesimentu di’ak ba joven sira, no aumenta tan sira nia kapasidade hodia sira bele halo dezenvolvimentu ba nasaun ida ne’e.
“Bola gulin ne’e rasik haree la’ós edukativu. Governu halo buat sira ne’e haree implika ba jerasaun foun sira ne’ebé ke mete ba jogu sira ne’e laduun di’ak”, katak David.
David Esplika, tuir lolos espozisaun tau imajen herois patria sira, no loke filme uluk herois sira funun hasoru invasaun sira, laos loke fali jogu ne’e fó sinal negativu ba jerasaun foun sira.
“Agora haree serimonial loron bo’ot ruma mak bola gulin hela de’it, tanba iha interse balu iha kotuk mak fó autorizasaun, tanba ha’u fiar katak sira simu osan ruma husi ema sira ne’ebé mak loke jogu Bolagulin”,nia preokupa.
Deputado ne’e sujere, Governu tenke halo ferira espozisaun konta istória ba herois patria sira, tanba ne’e hanesan edukasaun ida ba jerasaun foun, hodi bele hametin esperitu patriotizmu nasionalizmu ne’e, tanba bola gulin la’ós buat ida edukativu , tanba ne’e jogu ida ne’ebé ladi’ak ba jerasaun foun sira. Gyor