Alkatiri: Loron Referendu Xavi Ba Ukun Rasik an
Naunil Media (Díli), Eis Primeiru Ministru Marí Bin Amude Alkatiri informa, Loron aniversáriu referendu 30 Agusto ba dala 23, hanesan loron Autodeterminasaun ba ukun rasik an, maioria povu Timor hili ba Referendu, hodi kore an husi Indonézia.
“30 Agostus ne’e hanesan xavi ida povu barak hili ba referendu hakarak kore an husi Nasaun Indonézia, ita liberta tia patria agora ita tenke liberta tan povu”, dehan Marí Bin Amude Alkatiri ba jornalista sira iha kampus UNDIL, tersa (23/08).
Sekretariu Jerál FRETILIN ne’e hatutan, Altura ne’eba sitasaun difisi tebes, maibé povu tomak hakar korean husi torturasaun militár Indonézia sira ho fuan brani, maske heten ameasa husi otonómi nafatin hili referendu.
Lider Nasionál ne’e dehan, Agora ukun rasik an tinan 20 ona maibé haree ba maioria povu mak sei moris iha mukit nia laran.
“Agora ukun an halo tinan 20 ona, tenke halo balansu ida hamutuk haree saida mak sala hadia, saida mak los hatutan, sei lae dehan liberta povu mós, povu barak mak sei iha mukit nia laran”, Nia argumenta.
Alkatiri husu ba lider sira hamutuk foka ba dezenvolvimentu Nasionál, kore povu husi mukit no kiak,uluk dehan liberta patria liberta povu, nia hakotu. Gyor
